Zabuli 87

Lutogo lwa Yelusalemu

(Zabuli ya Wakola. Lwimbo.)

1Nguluwi nakazenga muji wa heye mchanya mwa chidunda cha heye chelile.

2Mkulu Nguluwi kanguugana muji wa Siyoni,

kusinda kaye kuyage kwa Yakobo.

3Mbuli ng'hulu zangulonjigwa kwa chiwalo cha hegwe, gwa muji wa Nguluwi.

4“Hali wala walingunzela,

wa baho wanhu wa Misili na Babuloni,

hihyo du wanhu wa Filistiya na Tilo na Kushi,

weng'ha wolonga, ‘Ayu nakapondigwa ako Siyoni.’ ”

5Kuwala Siyoni yolonjigwa ahi,

“Siyoni ndo mamo wa wala weng'ha,

Nguluwi Yawele Kuchanya koutawiza.”

6Mkulu Nguluwi kokwandika kuli chitabu,

hoyowika kukumbuchila kwa wanhu.

“Ayu nakapondigwa ako Siyoni.”

7Weng'ha wanguvina ngoma na kwimba,

“Nzasa za heni zeng'ha za kwa hegwe.”