Zabuli 82

Nguluwi chilongozi mkulu

(Zabuli ya Asafu.)

1Nguluwi kangwimilila chitala chikulu,

kangulavya utaguso kuli nhing'hano ya milungu,

2“Mbaka hanili molutilila kutagusa ne hachi

na kuwaganilila wanhu wehile?

3Muwape ng'hochele na walekwa hachi za hewo,

mwamile hachi za walingubunzwa na wazunwa.

4Muwalohole ng'hochele na wazunwa,

muwalohole kulawa kuli ndole za wehile.

5“Ila milungu ndo mipoka na hajivizelele.

Hewo wangujenda kuli jiza lya kwajilila,

misisi jeng'ha ja hachi kuli isi najitigaswa.

6Heni nandonga, ‘Hemwe mwa milungu,

mweng'ha mwa wana wa Nguluwi Yawele Kuchanya.

7Ila mobagama kota wanhu wanji,

mogwa kota mkulu yoneche.’ ”

8Gwa Nguluwi winuche, uzitaguse isi zeng'ha,

kwa vila wanhu wa isi zeng'ha ndo wa hegwe.