Zabuli 70

Kulanda utanzi

(Kwa yalingwaluchiza kwimba. Lwimbo lwa Daudi lwa kukumbuchila.)

1Gwa Nguluwi, undohole.

Gwa Mkulu Nguluwi, uye himahima kunhanza.

2Walingugana kundumya,

wone soni na kudeula.

Awo walingugana ndumile,

walingugana ndumile, wahiluche kumbele na kubezigwa.

3Awo walinguseka heni,

wahiluche kumbele kwa kulemwela kwa hewo.

4Wala weng'ha walingukupala,

wasangalale na kutowa luchenze kwa chiwalo cha hegwe.

Walinguugana ulohozi wa hegwe,

chila yumwe yalonje mazuwa gose, “Nguluwi ndo Mkulu!”

5Ila heni mbele mzunwa na ndilihela chinhu,

gwa Nguluwi, umbuyile himahima.

Hegwe ndo mtanzi wa heni na mlohozi wa heni,

gwa Mkulu Nguluwi, uleche kukawila.