Zabuli 126

Mkulu Nguluwi utuwiche goya kahi

(Lwimbo lwa kuluta kuchanya.)

1Mkulu Nguluwi loyatuwichile goya na kutuhilula Siyoni,

natwali kota wanhu walingulota.

2Ahyo natwaluka kuseka,

natutowa luchenze kwa usangalalo.

Wanhu wa isi zinji nawalonga,

“Mkulu Nguluwi nakawaditila mbuli ng'hulu.”

3Ena, Mkulu Nguluwi nakatuditila mbuli ng'hulu,

natusangalala lukami.

4Gwa Mkulu Nguluwi, utuwiche goya kahi,

kota nhonya vyoilingigala mazi kugunuche.

5Walingunyala kwa mahozi,

wobeta kwa usangalalo.

6Walinguluta kunyala nyhadikwa kuno wolila,

wohiluka kwa usangalalo wawele na mbena.