Zabuli 124

Mkulu Nguluwi ka ubanzi wa hetwe

(Lwimbo lwa kuluta kuchanya. Lwimbo lwa Daudi.)

1“Wone Mkulu Nguluwi yahawele haduhu ubanzi wa hetwe.”

Mlonje mweng'ha muwele kuli Isilaeli.

2“Wone Mkulu Nguluwi yahawele haduhu ubanzi wa hetwe,

mhela wula lotutowigwe na wang'honyo,

3ndangukomya twahawele tumeligwe tung'hali wakomu,

mhela ng'halazi ya hewo loitufichile.

4Twahaholigwe na mazi tendema,

twahatowigwe kota mazi ga lwanda,

5mazi galinguluta himahima gahatuholile.”

6Yatogoligwe Mkulu Nguluwi,

yawele hatulechile kuli ndole za hewo.

7Natusulupuka kota chideje kuli idiwa,

idiwa nalibenigwa, natwe natuloholigwa.

8Utanzi wa hetwe wangulawa kwa Mkulu Nguluwi,

yalumbile ulanga na isi.