Hoseya 6

Kumgalamchila Nguluwi kulihela makundo

1Wanhu wangulonga, “Muye, tumgalamchile Mkulu Nguluwi!

Heye yuye nakatudadula,

ila heye yuye kotudita tupone,

nakatulumiza, ila heye yuye kovidita vilonda vya hetwe vipone.

2Hogokola mazuwa meli, kotudita tuwe wakomu kahi,

ena, kuli zuwa lya kadatu kotuzilipula leka tikale hamwe na heye.

3Lelo tumkunde,

tikangaze kumzela Mkulu Nguluwi.

Ndikomya, kuya kwa heye ndo kota lufuku,

heye kotuyila kota nhonya za ng'humbusa walimi,

kota nhonya za luhela zilingutowela isi.”

4Ila Mkulu Nguluwi kangulonga hino,

“Ndiwaditile choni, hemwe wanhu wa Isilaeli?

Ndite choni kwa hemwe wanhu wa Yuda?

Igano lya kwimilila lya hemwe kwa heni ndo kota ng'hungugu ya mitondo,

kota nungwi ilingwajilila himahima.

5Ahyo nandiwavaba hemwe kwa nzila ya ulonzi wa waloli,

nandiwadumya kwa ulonzi wa heni,

utaguso wa heni wangulawa kota lumuli lwa kubwemwenzuka.

6Kwa vila chondilingugana kwa hemwe ndo igano lya kwimilila, haiwele nhambiko,

kumhulichiza Nguluwi, kusinda kulavya nhambiko za kulakazwa.

7Ila hewo nawalibena ilagano lya heni

kota vyoyaditile Adamu,

ako hawawele wa kukundigwa kwa heni.

8Gileadi ndo muji wa wehile,

nawenela danda.

9Kota walinguvaba vyowalingumbeteza munhu mnzila,

ndo hihyo watambika vyowalingudita,

wanguwakopola wanhu kuli nzila ilinguluta Shekemu,

ena, wangudita wihe ukulu.

10Nandiyona mbuli ya kuzudiza ng'hatu hali Waisilaeli.

Wanhu wa Isilaeli wangujibilimila milungu jinji kota wang'hondwa,

ena, Waisilaeli nawedita wawe wakokomoche.

11Namwe wanhu wa Yuda hihila.

“Nandiwawichila hemwe mhela uwele mohiluka kulawa kuli isi ya chijenzi,