Tito

Baluwa ya Paoli kwa

Tito

Chilongole

Chitabu cha Tito ndo imwe ya baluwa zila zine kulawila kwa Paoli zandichigwe kwa wanhu wamwenga nahaiwele kwa chilundo cha wanhu walingumkunda Kilistu. Baluwa zinji zidatu ndo 1 Timoteyi na 2 Timoteyi na Filimeni. Paoli nayali yomwandichila Tito, ila kahi nakandika kota baluwa isomigwe kwa lizi likulu hali wanhu weng'ha. Tovizela ahi kwa vila nakasima heye yuye nakakundigwa kota nayali Mtumigwa, chinhu chiwele Tito nayali yachizelele katali. Paoli nakayandika baluwa ayi kuli mhela wa makumi sita na gadatu mbaka makumi sita na gahano loyavumbuche Yesu Kilistu.

Paoli nakamlajiza Tito yalongoze chilundo cha wanhu walingumkunda Kilistu nachiwele kuli chihilwa cha Kilete. Paoli nakandika baluwa ayo leka yamlajize kuli kuhagula na kulangusa vilongozi wa chilundo cha wanhu walingumkunda Kilistu. Nakandika hiho kuli baluwa yamwandichile Timoteyi. Baluwa ya heye naitang'ula vila vilongozi wa chilundo cha wanhu walingumkunda Kilistu vyowalinguganigwa kikangaza kulongoza goya ng'hatu. Vilundo vya wanhu walingumkunda Kilistu na vilongozi wa hewo wa zuwa lya lehano wekangaze kuwinza nzila iwele goya kuli mijito ja kulongoza kota vyoyandichigwe kuli chitabu achi.

Gali mgati

1. Paoli kangumlajiza Tito yahagule vilongozi walingumnojeza Nguluwi (Tito 1:1-16).

2. Hamba kangumlajiza Tito yawalanguse wanhu kikala kwa kumnojeza Nguluwi (Tito 2:1-3:11).

3. Kuduma, Paoli kangugongomanya kwa kwandika baluwa ya heye kwa kuwalajiza na kuwalamsa (Tito 3:12-15).