Vidunda Bible Version

Zabuli 134

Mumtogole Mkulu Nguluwi

(Lwimbo lwa kuluta kuchanya.)

Muye mumtogole Mkulu Nguluwi hemwe vitumagwa wa heye weng'ha,

hemwe mweng'ha mlingukola mijito nechilo haluga hake.

Mwinule moko kulutila honhu helile,

na kumtogola Mkulu Nguluwi.

Mkulu Nguluwi yawatambichize kulawa Siyoni,

heye yalumbile ulanga na isi.

Vidunda Bible Version. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.