Filimeni

Baluwa ya Paoli kwa

Filimeni

Chilongole

Chitabu chidodo cha Filimeni nachandichigwa na Mtumigwa Paoli (Filimeni 1:1). Paoli nayali mchinweng'ho mhela loyandiche chitabu achi, mina hanji nakandika chitabu achi kulawila ako Loma. Wone nayali ako Loma, loyachandiche, leka nachandichigwa kuli mhela wa miyaka makumi sita na imwe kulawila loyavumbuche Yesu Kilistu. Chitabu cha Wakolosai nacho nachandichigwa kuli mhela awo.

Paoli nakandika baluwa ayi kwa munhu nayachemigwe Filimeni. Filimeni nayali yumwe wa hewo kuli chilundo cha wanhu walingumkunda Kilistu na kahi nayali na wapogozi wenji. Paoli nakamwandichila baluwa ayi Filimeni leka kumlanda yaleche kumgaza mpogozi wa heye Onesimo nayabilime kulawa kwa Filimeni. Kuli malajizo ga Loma, Filimeni nayali yoweza kumkopola Onesimo. Paoli nayali yolonga kwa kudedeza kumkangaza nhumbula Filimeni yambochele Onesimo kota mng'holoze kuli Kilistu na kumlajila kota Onesimo yakundigwe kumtanza Paoli (Filimeni 1:13-14).

Gali mgati

1. Paoli kangumlamsa Filimeni kuli (Filimeni 1:1-3).

2. Hamba Paoli kanguuza honhu ha Onesimo kota Filimeni kambochela heye kota mng'holoze kuli Kilistu (Filimeni 1:4-21).

3. Paoli kangugwisa chilasi kwa kuwalonjela kugana kuwajendela na kuwalamsa (Filimeni 1:22-25).