3 Yohana

Baluwa ya Kadatu ya

Yohana

Chilongole

Baluwa ya 3 Yohana nayandichigwa na Mtumigwa Yohana kuli mwaka wa makumi tisa (90) kulawa Yesu Kilistu loyavumbuche. Yohana halingulonga kota yuye ndo yandiche ila kangichema kota heye ka sekulu (3 Yohana 1:1). Nakadita hihyo kuli baluwa ya 2 Yohana 1:1. Yangukundigwa kota Yohana ndo kandika Mbuli Inojile yandichigwe na Yohana na baluwa zidatu yani ya 1 Yohana na 2 Yohana na 3 Yohana, mhela loyali yochikala Efeso.

Yohana nakandika baluwa ayi kwa munhu yalingumkunda Kilistu yachemigwe Gayo. Kangumchema Gayo mng'holoze na kangumlonjela yawe yawabochele hakaye hake wang'holoze walingumkunda Kilistu wawele woheluka mmajendo kukolela honhu hake.

Gali mgati

1. Yohana kanguizelesa baluwa yake (3 Yohana 1:1).

2. Kahi kangumlonjela Gayo kuwabochela wang'holoze walingumkunda Kilistu (3 Yohana 1:2-8).

3. Hamba, kangulonga kwa mbuli ya wanhu wanji weli, Diyotilefo na Demetiliyo (3 Yohana 1:9-12).

4. Mwiso kangugomanjiza baluwa yake (3 Yohana 1:13-14).