2 Watesalonike

Baluwa ya Keli ya Paoli kwa wanhu wa

Tesalonike

Chilongole

Baluwa ya keli kwa Watesalonike nayandichigwa na mtumigwa Paoli (2 Watesalonike 1:1). Nakandika baluwa ayi mhela udo hela kulawa hala loyandiche baluwa ya mwaluko kuli mhela wa miyaka makumi gahano na umwe Yesu loyapondigwe. Paoli nayali Kolinto mhela loyandiche baluwa ayi kuli chilundo cha wanhu walingumkunda Kilistu ako Tesalonike. Yuye ndo yaluchize chilundo cha wanhu walingumkunda Kilistu kuli majendo ga keli ga mijito ja Nguluwi (Madito 17:1-9). Nayandichigwa kuli chitabu cha Madito ga watumigwa kota nakwali na Wayahudi na Wagilichi wenji kuli chilundo acho.

Chilundo cha walingumkunda Kilistu ako Tesalonike nachali chiwika goya kwa mhela wa kuhiluka kwa Yesu Kilistu, kwa vila Paoli nakandika menji kuli baluwa zeng'ha mbili zoyandiche kwa Watesalonike. Kota nusu ya baluwa ya keli kwa Watesalonike yanguwala mhela wa kuduma. Paoli kahi nakawakanya kwa mbuli ya ugata. Chila munhu kanguganigwa yakole mijito kwa kipalila chilyo cha heye (2 Watesalonike 3:6-10).

Gali mgati

1. Paoli kangwaluka baluwa kwa kizelesa yuye na wayage kuli sula ya 1:1-2.

2. Kahi kangulonga malumbo kwa Nguluwi kwa chiwalo cha chilundo cha wanhu walingumkunda Kilistu ako Tesalonike na kulanda kwa chiwalo cha hewo (2 Watesalonike 1:3-12).

3. Kuli sula ya keli Paoli kangulonga kuwala mhela wa kuduma.

4. Hamba kangulonga kwa chiwalo cha mbuli ya ugata na mbuli ya kukola mijito (2 Watesalonike 3:1-15).

5. Kuduma Paoli kanguwalamsa wanhu walingumkunda Kilistu kahi (2 Watesalonike 3:16-18).