2 Yohana

Baluwa ya Keli ya

Yohana

Chilongole

Baluwa ya 2 Yohana nayandichigwa na mtumigwa Yohana kuli mhela wa makumi tisa (90) kulawa loyavumbuche Yesu Kilistu. Yohana halingilajila kota heye ndo yandiche ila kangichema kota heye ka sekulu. Mbuli zoyandiche kuli baluwa ayi ya 2 Yohana ziwhana ng'hatu na vyoyandiche Mbuli Inojile yandichigwe na Yohana. Kangulonga yohimiliza goyalonjile Yesu kwa mbuli ya kigana na kumgana Yesu kwa kuwinza mzilo wa heye (2 Yoh 1:5-6, 2 Yoh 15:9-10). Wanhu wangukunda kota Yohana ndo yuye yandiche Mbuli Inojile hamwe na baluwa zeng'ha zidatu mhela loyali yochikala muji wa Efeso.

Yohana nakayandika baluwa ayi kwa mdala yahaguligwe hamwe na wanage. Ila ifanda kota kangwandika kwa chilundo cha wanhu walingumkunda Kilistu. Hamba nakalonga baluwa ayo nayali kwa chiwalo cha weng'ha walingumkunda Kilistu. Chiwalo cha Yohana kwandika baluwa ayi chali kuwakangaza nhumbula wanhu walingumkunda Kilistu na kuwakanya weyuse na walangusa wa udesi.

Gali mgati

1. Yohana kangutang'hula baluwa ya heye kwa kulonga kanguwandichila wanhu wachi na kuwalamsa (2 Yohana 1:1-3).

2. Hamba kanguwakangaza nhumbula wanhu walingumkunda Kilistu kwa kuwakumbusa mzilo uwele ukulu (2 Yohana 1:4-6).

3. Hamba kanguwakanya hewo weyuse na walangusa wa udesi (2 Yohana 1:7-11).

4. Yohana kangugomanyiza baluwa ya heye kwa kuwaganila isungu lya Nguluwi chilundo cha wanhu walingumkunda Kilistu (2 Yohana 1:12-13).