1 Yohana

Baluwa ya Mwaluko ya

Yohana

Chilongole

Baluwa ya mwaluko ya Yohana nayandichigwa na Chitumagwa Yohana kuli mhela wa makumi nane na gahano (85) mbaka mhela wa makumi tisa (90) kulawa Yesu Kilistu loyavumbuche. Yohana halingilajila kota heye ndo yandiche baluwa ayi ila sula ya mwaluko yangulajila kota heye ndo mlolezi wa ukomu na kuzilipuka kwa Yesu (1 Yohana 1:1-3). Vila vyoyandiche kuli baluwa ya mwaluko ndo vivila na yangiwhana na vila vyoyandiche Mbuli Inojile yandichigwe na Yohana. Yangukundigwa kota Yohana ndo yandiche Mbuli Inojile na baluwa zeng'ha zidatu, yani 1 Yohana na 2 Yohana na 3 Yohana mhela loyali yochikala kuli muji wa Efeso.

Yohana nakandika baluwa ayi kwa wanhu weng'ha walingumkunda Kilistu na wawele na nongwa kulawa kuli chilundo cha wanhu nawachemigwe Waginositi. Wano nawali wokunda kota Yesu ndo yawele Nguluwi wa kukomya ila nahawele munhu hela loyawele muisi. Kwa chiwalo acho Yohana nakandika yawele kota mlolezi kuli ukomu wa Yesu na moko ga heye yuye gamibata Yesu (1 Yohana 1:1-3). Chiwalo cha Yohana kwandika baluwa ayi chiwa kulajila kusangalala ng'hatu (1 Yohana 1:4) na kuwalemeza wanhu walingumkunda Kilistu kudita gehile (1 Yohana 2:1) na kuchilemeza chilundo cha wanhu walingumkunda Nguluwi waleche kuwinza malanguso ga udesi (1 Yohana 2:26) na kahi kuwadita wakunde kota waloholigwa (1 Yohana 5:13).

Gali mgati

1. Yohana kanguitang'ula baluwa ya heye na chiwalo cha kwandika (1 Yohana 1:1-4).

2. Hamba kahi kangulonga Nguluwi ndo lumuli na twanguganigwa kikala kota Yesu navyoyekale (1 Yohana 1:5-3:10).

3. Kahi kangutukumbusa hetwe kwa malajizo ga kigana (1 Yohana 3:11-5:12).

4. Kangugomanyiza baluwa ya heye kuli sula ya 5:13-21.