పవిత్ర్ బైబిల్‍
ప్రక 12
స్ర్రీ బుజు పాక్డీ వాలు హాఃప్‍
తెదె స్వర్గంమా ఏక్‍ గొప్ప హఃనద్‍ దెక్కాయు. యోసాత్‍కతో సూర్యూడ్‍నా పేర్లీలిదుతే ఏక్‍ బాయ్కో ఇనూ గోఢనూహేట్‍ చంద్రమాబీ ముడ్కయావ్ఫర్‍ బ్హారా షుక్కర్‍ను కిరీటంబి థూ. యోబాయికొ బేజిణిహుయీన్‍ పేట్‍దుక్‍తూర్హైయిన్ యోధరద్నా కైఖార్‍ మ్హేందుకరా.
తెదె స్వర్గంమా బుజేక్‍ సూచనా దెఖ్కాయు. హదేక్‍ లాళ్‍ పాక్డీ వాలుక్హాప్‍; ఇనా క్హాత్‍ ముడ్క్యాబి ధక్హ్ సింగ్డూబి థూ; ఇనూ ముడ్క్యాఫర్‍ క్హాత్‍ కిరీటాల్‍ థూ. ఇనూ ఢోండొ ఆకాష్‍ను షుఖ్కర్‍మా తీన్మనూ హోఃతిన్‍ ఇవ్నా జమీన్ఫర్ నాకిదీదు. జణన్నూఛాతె యోబాయ్కొ కన్నూస్‍కరా, యోబాయ్కో లఢ్కనా మింగిలేనూకరి యోపాక్డీ వాలుక్హాప్‍నా బాయ్కోనా క్హామె ఉబ్రీన్‍ థూ. సమస్తంను అద్మియేఫర్‍ లోఢనూదండంతీ ఏలనూహుయీన్‍ ఛాతె ఏక్‍ మరద్‍లడ్కనా యోబాయ్కో జణమా, యోబాయ్కో లడ్కు దేవ్నకనబీ ఇను సింహాసనంనాకనబీ లీజైన్‍గయూ. యోబాయ్కో కంగల్‍మా మిలాలీది; ఎజ్గా ఇవ్నె హజార్‍ బే ఖోః తీనిక్హ్ ధన్‍ యోబాయ్కోనా పాల్నుకరీ దేవ్ ఇనా ఏక్‍ జొగొతయార్‍కరీన్‍ రాక్యొ.
తెదె స్వర్గంమా యుధ్దంహుయూ. మికాయేల్‍బి ఇనూ దూతల్బి యో పాక్డీ వాలుసర్ఫంతీ యుధ్దం కర్నూకరీ ర్హావమా యో పాక్డీ వాలుక్హార్ఫంబీ ఇనూదూతల్బి యుధ్దం కర్యూ పన్కి జీతనాకొహుయూని అనటేకే స్వర్గంమాఛాతె ఇవ్నాఅజూ జొగొ కొయినితిమ్‍హుయు. హుయితో ములక్‍అక్కనా మోసంకర్తూ, సాతాన్‍కరిబి నామ్‍ఛాతె ఆదిహాఃప్‍హుయ్‍తె యో మోట్టు పాక్డీ వాలు క్హాప్‍ దక్లాయ్‍హయూ; ఇనూ దూతల్‍ ఇనాకేడెబీ దక్లాయ్‍గయు.
బుజు ఏక్‍ మోటు ఆవాజ్‍ స్వర్గంకనా అమ్‍బోలను హఃమ్జొతొ రాత్‍ధన్‍ అప్ను దేవ్నుహాఃమె అప్ను భైయ్యేఫర్‍ నేరం నాకవాలొహుయోతె అపవాది దక్లాయ్‍పడీన్‍ఛా అనటేకే హంకె బచ్చావనూబి కువ్వత్‍బి రాజ్యంబీ అప్నదేవ్నుహుయు; హంకె అధికార్‍బి ఇనూ క్రీస్తుహుయు. ఇవ్నె మ్హేండనుచెల్కు ల్హొయ్‍నాబట్టీన్‍, ఇవ్నెదిదీతె హాఃఛినాబట్టీన్‍ ఇనా జీతీన్‍హుయీన్ ఛా. పన్కి, మర్రణ్‍తోడి ఇను జాన్‍నా ఫ్యార్‍కరూహుయూ కాహె. అనటేకే స్వర్గాం, స్వరసగంమా జింకరతేవాలా, ఖుషిహువొ; జమీన్‍, ధర్యావ్‍, తుమ్నా మిన్హత్‍; అపవాది ఇవ్నా వహఃత్‍థోడూస్‍ కరి మాలంకర్లీన్‍ ఘనూ చంఢాల్‍వాలాహుయీన్‍ తుమారకనా ఉత్రీన్‍ ఆయిన్‍ఛాకరి బోల్యు.
యోపాక్డీ వాలు హాఃప్‍ ఇనే జమీన్ఫర్ దక్లాజైయిన్‍ ర్హావను దేఖీన్‍, యో మరద్‍ లడ్కనా జణితే యోబాయ్కోనా హింసకర్యు; అనటేకే యోబాయ్కో జంగల్మా ఛాతె ఇను జొగొమా మాలంకరాతిమ్‍ మోటొ గరధ్‍రాజొ బే ఫాక్డీయా యోబాయ్కోనా దెవ్వాయ్రూ. ఎజ్గా యో హాఃప్‍నుమోడుబి దేఖకొయినితిమ్‍ బాయ్కో బేవుపార్‍ ఛాలిఖ్‍ మాహినా పాల్చే. అనహాఃజె యోబాయ్కో, నాక్హుకరతె మర్లీన్‍ జానుకరీ యోహాఃప్‍ ఇను మోఢమతూ పాని నదీ నాహుఃకరంతరా బాయ్కో పీటె జానుకరీదేకి పన్కి జమీన్‍ యోబాయ్కోనా సహాయంకరనా హుయీన్‍ ఇను బాకుచీరీన్‍ యోఘటహాఃప్, ఇను బాకమతూ గ్రక్కితే ప్రవాహంనా గలీల్‍దూ. అనటేకే యో పాక్డీ వాలుహాఃప్‍ చంఢాల్‍ లాయ్‍లీన్‍, దేవ్ను ఆజ్ఞల్‍ మాలంకర్తూ యేసునాగూర్చీన్‍ సాబుత్‍ బోల్తూహుయీన్‍ ఛాతె హుయుతె బాయ్కో సంతాన్‍మా మిగిల్యూతె ఇవ్నేతి యుధ్దం కరనాటేకెస్‍ నికీన్‍ తెదే పాక్డీవాలు హాఃప్‍ ధర్యాయ్‍ను కనారీనా ఉబ్రూ.
పవిత్ర్ బైబిల్‍. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.