పవిత్ర్ బైబిల్‍
హెబ్రీ 2
మహాన్‍ రక్చణా
ఇనటెకే అప్నే హాఃజుతే సంగతుల్నా బేందీన్‍ నాజనుతిమ్‍, ఇనా విషయంమా బుజు ఘాను జాతన్‍ హుయిన్‍ ర్హాను. సానకతో దేవదూతల్‍ అప్నా జమనావాలో బోలాయిహుయు వాక్యం హాఃఛీహుయు. హార్యేక్‍ ఇనా అంగీకార్నచి నఛాల్యుతో ఇన ఫలితం హుయుతే షీక్చాన పోంద్సె. అత్రే మాహాన్‍ రక్చాణనా అప్నే నిర్లక్చ్యం కర్యతో కిమ్‍ చుకాయిలిసు? ఏజాత్ను రక్చణా ప్రభువు బోధించును సూరు హుయు, మహాత్కార్యంనా హాతె, హాఃజ్యుతే ఇవ్నాహాతె, అప్నా దృడమ్‍ కరాస్‍. దేవ్ ఇను చిత్తంను అనుసారంతి సూచక క్రియల్నా హాతె నానవిధాంను అద్భుతంను హాతేహో, వీవిదాం హుయుతె పరిసుద్ధాత్మాను వరామ్‍నా అనుగ్రాహించీన్‍ ఇవ్నాకేడె సాక్చందేవమా దిదో
అప్న రక్చాణమా చలావవాలొ
అప్నే వాతేబోలుకారతే యో ములక్‍నా అవ్వాజసెతే ఇను నవూ ములక్‍మా పరిపాలించనా అధికారం దేవ్ ఇను దూతల్నాకోదిదుని. ఓ దేవా తూ ఏక్‍ అద్మినా హాఃయ్యల్‍ కరానటెకేబీ పాట్టించానటేకేబీ యో కేజాత్ను? తూ ఏక్‍ సాదరణ హుయుతే అద్మినా తూ దేఖనటేకె యో కేజాత్ను.
తూ దేవదూతల్తిబి ఇనా ధర్రాసు కమ్‍ వాలానితరా కర్యో,
మహిమా గౌరవంను కిరీటం ఇనా ఘాలిన్‍ దిదో
తారు హాత్నుకామ్‍నా ఉప్పర్‍ ఇనా అధికార్‍ అనుగ్రహీంచ్యో.
ఇనా గోడనాహేట్ సమస్తంనా మేలిరాక్హోస్‍, హుయితోబి దేవ్ సమస్తతంనా ఇవ్నా అధికారంకర్యయు తేదె ఇనా అధికారంకరును తిమ్‍ కినాబి బేంద్యు కోయిని, హంకె అప్నే సమస్తమ్నా ఇన అధికారంకరను వుజుబి దేఖ్యా కోయిని. పన్కి దేవ్ను కృపతిస్‍ యో హర్యేక్‍ అద్మియోనాటెకె మరణ్‍ అనుభావించా హాఃర్కు దూతల్‍తీబి దర్రాసు కంమ్‍ వాలనితర బణయోతె యేసు, మరణ్‍ ఆవమా, మహీమాప్రభావంతి కిరీటంనా పేరిరాఖ్యొతే వాలనితర ఇన దేఖూకరియేస్‍. కిను నిమిత్తంతీ ధర్తీహాఃరు ఛాకి, ఇనబారెమా ధర్తీ బనుకరస్‍కి, ఇను కెత్రూకిజనహుయూతె ఛీయ్యోనా మహిమనా లాంకరమా ఇవ్ను బఛ్చావాలొకర్తనా మిన్హత్‍బారేమా సంపూర్ణునితరా కరను ఇనా హుసె.
పరిసుద్ధ్‌కరవాలనాబి పరిసుద్ధబడతెఇవ్నాబి హాఃరనా ఎక్కస్‍ భా ఆ కారణం బారెమా ఇవ్నా భైయే బేనేనితరా బులావనాటేకె యేసు షరమ్‍ నాపడ్నుతిమ్‍ 1
హుయుతో యో దేవ్తి,
“తూ కార్యోతే ఇనా ప్రజాల్నా ప్రచార్‍కరీస్‍,
సమాజంనూ ఛాతేజొగొమా తూనా కీర్తినా గీద్‍ బోలిస్‍కరి” బోల్యు. 2
బుజుయో అమ్‍ బొలుకాస్‍ మే ఇను నామ్నా నమ్మిలీన్‍ రహీస్‍, కరి బుజు హదేక్‍ మేబి దేవ్ మన దిదోతె లఢ్కావ్బి కరి బోలుకరస్.
అనహాఃజె యేసుమా ఆ లఢ్కా ల్హొహి బోట్టీ హుయ్‍ర్రస్‍ అనహాఃజె యోప్రకారమస్ మరణ్‍నూ తాహాఃత్‍వాలొ ఇనా, కతో అపవాదినా మరణ్‍ను బారెమా నాష్‍ కర్సె. బుజు అమ్‍నితరా జివ్నునుధన్‍ బానిసానితరఛాతే అక్కుబి మరణ్‍ను ఢర్‍తీహాతె దాస్యషంనా లోబడకొయింతె ఇవ్నా విడుదాలాకర్యొ. 3
ఆ దేవదూతల్నునా మాదత్‍ కరనటెకె కాహే గాని ఆన బదుల్మా అబ్రాహామ్ను హాఃధాన్‍ మాదత్‍ కారనా యో అయోకరి స్పాస్టంహువుంకారస్‍. అనటేకే అద్మిను పాప్‍నా పరిహారంతి కరనాటేకెస్‍, దేవ్ను సంబంధిహుయూతె కార్యాల్మా కనికరంనాబి నమ్మకంహుయూతె ప్రధాన్‍యాజకుడ్‍హయిన్‍, హాఃరు విషయాల్మా యో ఇను భైయ్యే, భేనేవ్తి, ఇవ్నా పాలివాలో హుయిన్‍ ఛా. ఇను హాఃతాయున్‍హుయీన్‍ మిన్హత్‍ పొందీన్‍ అనటేకే సోధించబడుకరతె ఇవ్నాబి మద్దత్‍కరవాల హుయీన్‍ ఛా.
Source notes (3)
- Footnote కీర్త 22:22
- Footnote యేస్సయా 8:17-18వచనం
- Footnote యేస్సయా 41:8-9 వచానం
పవిత్ర్ బైబిల్‍. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.