Vagiri Vathe Bible
2థెస్స 1
హఃలామ్‍
అప్న భా హుయోతె దేవ్‍కనాబి ప్రభుహుయోతె యేసుక్రీస్తుకనాబి ఛాతె థెస్సలొనీకయుల్‍ సంఘాల్‍నా పౌల్‍బి, సిల్వనాబి, తిమోతిబి అచ్చుకరి బోలిన్‍ లిఖ్యుతె.
భా హుయోతే దేవ్‍కంతుబి ప్రభుహుయోతె యేసుక్రీస్తు కంతూబి కృపబి సమాధానం తుమ్నా హువదా.
భైయ్యే, హమే హమేసా తుమారబారెమా దేవ్నా కృతజ్ఞాతస్తుతుల్‍ చెల్లించనాటేకె ఆ అష్యలస్‍; కింకతో తుమారి విష్వాస్‍ ఘను అభివృధి హువుంకరాస్‍, తుమార హాఃరమా హర్యేక్‍జణూబి పార్లేవ్వాటేకె వతాలతే ఫ్యార్‍ భడ్తూ హుంకరాస్‍. అనహాఃజె తుమారు హింసహాఃరమబీ, తుమె హింసల్‍హాఃరమబీ, తుమె సహించుకరతె మిన్హత్‍మాబి, తుమారు ఓర్పునా విష్వాస్‍నా దేఖిన్‍, హమె దేవ్ను సంఘాల్‍మా తుమ్నలీన్ జాహఃత్‍ బడ్డాయికరూకరియేస్‍.
సానహాఃజె తుమె మిన్హత్‍పడుకరస్కీ యో దేవ్ను రాజ్యంమా తుమే యోగ్యుల్‍కరి ఎంచను నిమిత్తంతీ, తుమే ఆమ్‍ ఓర్చిలేవనూ దేవ్నా న్యాయంహుయుతే న్యావ్‍నా స్పష్టంహుయూతే సూచనాహుయీన్‍ ఛా దేవ్‍ న్యాయవంతుడ్‍ ఇనటేకె. తుమ్న మిన్హత్‍ దేవ్వాలన మిన్హత్‍బీ ఆవ్సే, ప్రభూ హుయోతే యేసు ఇను మహాన్‍ దూతల్‍తీబి యో తెదె కరసే స్వర్గంమతూ. హాంకె మిన్హత్‍ పోందుకరాతే తుమే హమారకేడె ఆరామ్‍నా అనుగ్రహించాను దేవ్నా న్యాయమస్‍. ఆగ్ను జలఫట్‍తి ప్రత్యక్చాహుయీన్‍ షిక్చింసెతెదె, దేవ్నా మాలంకరకొయినంతె ఇవ్నా, అప్ను ప్రభుహుయోతే యేసునూ సువార్తనా ఒప్పకొయింతె ఇవ్నబీ ప్రతిదండ్‍నా కరాతెదె ప్రభువు ఆయో తెదె యోజాతున గొప్ప మహిమాతీబి దక్లాయిజాసే, తెదె నిత్యనాషంబీ దండన పొంద్చె, యో ఇను మహిమమా ఆయొతెదె యో ధన్మా విష్వాస్‍ రాక్యుతె ఇవ్నాహాఃరంకనా, ఇను ప్రజల్‍కనా మహిమ పరచాబడనాటేకెబీ, కింకతో హామె తుమ్నా దిదుతె సాబుత్‍ తుమే నంమ్యా థా.
మేల్‍కర్ను కరి తుమారమా ఆవతే హార్యేక్‍ ఆలోచన, విష్వాస్‍హుయుతే హార్యేక్‍ కార్యంనా తాఖత్‍తి సంపూర్ణం కర్సే, అప్నో దేవ్‍ ఇను బులావనటేకె తుమ్నా యోగ్యుల్‍నితర ఎంచ్నుకరి తుమారటెకే హమేషా ప్రార్థించుకరియేస్‍. ఇనఖాజే అప్నో దేవ్నుబి ప్రభూ హుయోతే యేసుక్రీస్తునుబి కృపనాలీన్‍ తుమరామ్హాడి అప్నో ప్రభూ హుయోతే యేసుక్రీస్తు నామ్‍తి, ఇనకేడె తుమేబీ మహిమ పొందాసూ.
Vagiri Vathe Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.