ರೂತ್

ರೂತ್ ನು ಪುಸ್ತಕಂ

ರೂತ್ ನು ಪುಸ್ತಕಂ

ರೂತ್ ನೀ ಪರಿಚಯಂ

ಇಸ್ರಾಯೇಲ್ ಮ ನ್ಯಾಯಂ ಕರವಳವ್ ನ ಕಾಲಂ ಮ ಇಸ್ರಾಯೇಲ್ ನು ಎಕ್ ಕುಟಂಮ್ಮ ಅಯುತೆ ಅದ್ಬುತಾನು ಬರೆಮ ರೂತ್ ನು ಪುಸ್ತಕಂ ಬೊಲಸ್. ಅ ಕುಟಂನಿ ಆಯಾ ನವೊಮಿ, ಇನೊ ವ್ಹಾಗ್ರಿ ಬುಜು ಬೆ ಪರ್ಖ ಲಡ್ಕ ಮೋವಾಬ್ ಕರಿ ಅಲದ ದೆಖ್ಹ್ ಮ ರ‍್ಹಾವಮ ಮರಿಗಯುತೆ ಮೊಟು ವದಾಖ್ಹೊ ಖೈರಾಕ್ಹಿಸ್. ಅ ಹುಯಿಜವದಿನ್ ನವೋಮಿನಿ ವ್ಹೊವೆಮ ಎಕ್ ಜಣಿ ಹುಯಿರಿತೆ ಮೋವಾಬ್ ದೆಖ್ಹ್ ವಳಿ ರೂತ್ ಇಸ್ರಾಯೇಲ್‌ ನ ಪಚ್ಹು ಪ್ಹರಿನ್ ಜವಮ ಇನ ಭರಖ್ಹೊ ದೆವಾಮ ಅಶಿರ್ವದಂನ ಲಿಲಿದಿ. ಪಛಳ್ ತು ಬೋವಜ್ ಕರಿ ಕುಟಂನೊ ಖನ್ನೆವಾಳನ ದೆಖಿಲಿಶೆ ಬುಜು ರೂತ್ ನ ವ್ಯಾಹಕರನ ಒಪ್ಪದಿನ್ ರೂತ್ ಬುಜು ನವೊಮಿ ಬೆ ಜಣಿ ಅಶಿರ್ವದಂನ ಲೆಸ್. ನ್ಯಾಯಂ ಕರವಳವ್ ನು ವಖ್ಹತ್ ಖರಬ್ ತು ಬುಜು ಕೆತ್ರುಕ್ಕಿ ಇಸ್ರಾಯೇಲ್‌ ವಳು ಖಯಿದೊ ನಾ ಗವ್‍ರಂ ನಾ ದೆನುತಿಮ್ ಬಚಿನ್ ಥು, ರೈತೊಬಿ ನವೊಮಿ, ರೂತ್ ಬುಜು ಬೋವಜ್ ತೊಬಿ ದೆವ್ ನು ನಿಯಮಂ ಖ್ಹು ಪಳ್ಳಿ ಚಲವಳು ಇಸ್ರಾಯೇಲ್‌ ವಳನ ಅಚ್ಹು ಉದಹರಣೆ ಹುಯಿರುಸ್.

ರೂತ್ ನು ಪುಸ್ತಕಂ ಲಿಕ್ಯುತೆ ಕೊಣ್ ಕಿ ಕಿನಾಬಿ ಮಲಂ ಕೊಯ್ನಿ. ಪುಸ್ತಕಂ ಲಿಕ್ಯುತೆ ದನ್ ಬಿ ಮಲಂ ಕೊಯ್ನಿ, ರೈತೊಬಿ ಥೊಡು ಅದ್ಮಿ ಅನ ಇಸ್ರಾಯೇಲ್‌ ವಳು ಕಬ್ ಜ ಮತು ಚ್ಹುಟಿನ್ ಅಯುತೆ ಬದ್ ಮ ಲಿಖೈರುತೆ ಹೀಬ್ರುನಿ ವಾತೆನಿ ಪ್ರಕರಂ ಲೀಖೈರುಸ್ ಕರಿ ಸೊಚಾಸ್. ಇಸ್ರಾಯೇಲ್‌ ಖಯೆತೆ ರೂತ್ ರಾಜ್ ದಾವಿದ್ ನಿ ನಾನಿ ಹುಯಿಗಿ ಕರಿ, ಅನು ಅರ್ಥಂ ಆ ಯೇಸುನಿ ಖನ್ ಧನ್ ವಳಿ. ದೇವ್ ಮ ಮಳಿರೊಸ್ ಕರಿ ಹಮೆ ಖೆವಿ ಕುಟಂ ಮಳಿರೊಸ್ ಕರಿ ಖಾಯೆ, ಹೃದಯಂ ಪರ್ ಬಿ ಭರಖ್ಹೊ ರಾಕ್ನು ಕರಿ ಅ ವೊತಳಸ್.

ಮ್ಹೈ ಚ್ಹಾತೆ ಅನು ಭಾಗ್

1. ಅಧ್ಯಾಯ

2. ಅಧ್ಯಾಯ

3. ಅಧ್ಯಾಯ

4. ಅಧ್ಯಾಯ