1 ಥೆಸ

ಪೌಲನು ಥೆಸಲೋನಿಕದವರಿಗೆ ಬರೆದ ಮೊದಲನೆಯ ಪತ್ರಿಕೆ

ಪೌಲನೆ ಥೆಸಲೋನಿಕವಾಳಾನ ಲೀಖ್ಯೋತೆ ಪಹಿಲಿ ಚಿಟ್ಟಿ

ಮಾಲುಮ್ ಕರಾನು

ಅಪೊಸ್ತಲ ಹುಯಿರೋತೆ ಪೌಲನೆ ಲೀಖಿರಾಖ್ಯೊಸ್.

ಆ ಸಬೆ ಭಂದೈಹುಯುತೆ ತದೆ ಘಣಾದನ್ ಥೆಸಲೋನಿಕಮ ರ‍್ಹವಾನ ಪೌಲನ ಕೋ ಹುಯುನಿ. ಇನಖ್ಹಾಜೆ ಇನೆ ಹಿಜ್ಜಾ಼ ರ‍್ಹೆಯಿತೆ ವಿಶ್ವಾಸಿಖ್ಹಾರನ ಹುಮ್ಮಖ್ಹ್‌ ದ್ಯವಾನಖ್ಹಾಜೆ ಆ ಚಿಟ್ಟಿನ ಲೀಖಿನ್ ಮೋಕ್‌ಲ್ಯೊ. ಆ ಚಿಟ್ಟೀಮ ವಿಶ್ವಾಸಿಖ್ಹಾರು ಕಿಮ್ ಜಿವ್ಣುಕರ‍್ನು ಕರಿ ಕೈಏಕ್ ವಿಚಾರ‍್ನ ಮಾಮೂಲಿ ಸಬೆ ಅಖ್ಖು ಛಾ಼. ಇಮ್ಮಸ್ ಪೌಲನೆ ಕ್ರಿಸ್ತನಿ ಬೇನಿ ಆವಾನಿ ಬಾರೇಮ ಘಣಿ ನಜ಼ರ್ ಕರಿರಾಖ್ಯೊಸ್ ಶನಖ್ಹಾಜೆಕತೊ ಥೆಸಲೋನಿಕ ಸಬೇನು ಅದ್ಮಿಖ್ಹಾರು ಆ ವಿಚಾರ‍್ನಿ ಬಾರೇಮ ಘಣಿ ಮನ್‍ಲಗಾಡಿನ್ ಥು. ಪೌಲನೆ ಕ್ರಿಸ್ತನು ಬೇನಿ ಆವಾನಿ ಬಾರೇಮ ದೇವ್ನ ಖ್ಹಾಜಾ಼ನು ಜಿವ್ಣು ಜಿವಾನಖ್ಹಾಜೆ ಹುಮ್ಮಖ್ಹ್‌ ದೇಸ್.

ಕಾಡಿದೇಖೊ

1 ಪೌಲನೆ ಆ ಚಿಟ್ಟಿ ಸಬೆನ ತೋಬ ಕರಾನಖ್ಹಾಜೆ ಅಜು಼ ಇವ್ಣಖ್ಹಾಜೆ ದೇವ್ನ ಧನ್ಯವಾದ್ ಬೋಲ್ತೊ ಹುಯಿನ್ ಶುರುಕರಸ್.

2 ಯೊ ಕರುಕರಾತೆ ಕಾಮ್‌ಖ್ಹಾರು ಅಜು಼ ತಿಮೊಥೆನ ಲಾಯೊತೆ ಖಬರ್‌ನಿ ಬಾರೇಮ ಬೋಲಸ್.

3 ಇನಕೇಡೆಥು ಪೌಲನು ವಿಶ್ವಾಸಿಖ್ಹಾರು ಯೇಸುನಿ ಬೇನು ಆವಾನು ದೆಖಾವ್‌ಶೇತೆ ಉಜಾ಼ಳಾಮ ಜಿವ್ಣುಕರ‍್ನುಕರಿ ಬೋಲಾನಿ ಬಾರೇಮ ಖ್ಹೂಜ಼್‌ ದೇಸ್.

4 ಪೌಲನೆ ಬಿಜೇಕ್‍ಹಲ್ಲ ಆ ಚಿಟ್ಟಿನ ಸಬೆನ ಹರೇಕ್‌ನಾಬಿ ಪೂರ ಧನ್ಯವಾದ್ ಬೋಲ್ತೊಹುಯಿನ್, ಚಿಟ್ಟಿನ ಖ್ಹರ್ತಿ ಕರಸ್.ಅಜು಼ ಸಬೆಮ ಫಡೀನ್ ಬೋಲ್ನುಕರಿ ಬೋಲ್ತೊಹುಯಿನ್ ಚಿಟ್ಟಿನ ಖ್ಹತಮ್ ಕರಸ್.