Muⱪeddes Kalam (yǝngi yeziⱪ)
Wǝⱨiy 15
«Yǝttǝ qinǝ» — ahirⱪi yǝttǝ balayi’apǝt
Asmanda zor ⱨǝm karamǝtlik yǝnǝ bir alamǝtni, yǝni ahirⱪi yǝttǝ balayi’apǝtni tutup turƣan yǝttǝ pǝrixtini kɵrdüm (ahirⱪi balayi’apǝt deyilixtiki sǝwǝb, Hudaning ƣǝzipi bular bilǝn ahirlixidu). 1
Mǝn yǝnǝ ot arilax ǝynǝk dengizidǝk bir kɵrünüxni ⱨǝm ǝynǝk dengizning üstidǝ turƣan, diwǝ wǝ uning but-ⱨǝykili wǝ namining rǝⱪimi üstidin ƣalib kǝlgǝnlǝrni kɵrdüm. Ularning ⱪollirida Huda bǝrgǝn qiltarlar bolup, 2 ular Hudaning ⱪul-hizmǝtkari bolƣan Musaning küyini ⱨǝm Ⱪozining küyini eytixatti: —
«Uluƣ wǝ karamǝt Sening ⱪilƣanliring,
I Ⱨǝmmigǝ Ⱪadir Pǝrwǝrdigar Huda,
Yolliring adil wǝ ⱨǝⱪtur,
I pütkül ǝllǝrning Padixaⱨi! 3
I Pǝrwǝrdigar, kim Sǝndin ⱪorⱪmaydiƣan,
Namingni uluƣlimaydiƣan bolalisun?
Qünki birdinbir muⱪǝddǝs Ɵzüngdursǝn;
Barliⱪ ǝllǝr aldingƣa kelidu,
Sanga sǝjdǝ ⱪilidu;
Qünki ⱨǝⱪⱪaniy ⱪilƣanliring axkarǝ boldi». 4 5
Bu ixlardin keyin, mǝn kɵrdümki, mana ǝrxtiki ibadǝthana, yǝni ⱨɵküm-guwaⱨliⱪ qediri eqildi! 6 7 Yǝttǝ balayi’apǝtni ɵz ilkidǝ tutⱪan yǝttǝ pǝrixtǝ pakiz, parⱪirap turidiƣan libas kiygǝn, kɵksigǝ altun kǝmǝr baƣliƣan ⱨalda ibadǝthanidin qiⱪti. 8 Tɵt ⱨayat mǝhluⱪning biri yǝttǝ pǝrixtigǝ ǝbǝdil’ǝbǝd yaxaydiƣan Hudaning ⱪǝⱨri bilǝn tolƣan yǝttǝ altun qinini bǝrdi. Ibadǝthana Hudaning xan-xǝripi wǝ ⱪudritidin tütün bilǝn liⱪ toldi. Yǝttǝ pǝrixtining yǝttǝ balayi’apiti ayaƣlaxmiƣuqǝ, ⱨeqkim ibadǝthaniƣa kirǝlmidi. 9 10
Source notes (10)
- Cross-reference ◘ Wǝⱨ. 11:14.
- Cross-reference ◘ Wǝⱨ. 4:6; Mik. 7:18.
- Cross-reference ◘ Zǝb. 111:2; 139:14; 145:17.
- Footnote ◼ «Qünki ⱨǝⱪⱪaniy ⱪilƣanliring axkarǝ boldi» — «ⱨǝⱪⱪaniy ⱪilƣanliring» yaki «qünki ⱨǝⱪⱪaniy ⱨɵkümliring axkarǝ boldi». «munasiwǝtlik ayǝtlǝr» — «Yǝr.» 7:10, «Zǝb.» 86:9-10.
- Cross-reference ◘ Zǝb. 86:9-10; Yǝr. 10:7.
- Footnote ◼ «ⱨɵküm-guwaⱨliⱪ qediri» — Tǝwrat dǝwridǝ ibadǝt qediri «ǝⱨdǝ sanduⱪi» ⱨǝm uning iqidiki «on pǝrman»ning makani bolƣanidi. Bu «on pǝrman» Hudaning harakteri wǝ pǝzilǝtlirini kɵrsitidiƣan bolƣaq, qedir bǝzidǝ «ⱨɵküm-guwaⱨliⱪ qediri» yaki «ǝⱨdǝ-guwaⱨliⱪ qediri» dǝp atalƣanidi. Ərxtiki «muⱪǝddǝs qedir» uningƣa ohxaxla Hudaning tǝbiiti toƣruluⱪ alaⱨidǝ guwaⱨliⱪ bǝrsǝ kerǝk.
- Cross-reference ◘ Wǝⱨ. 11:19.
- Cross-reference ◘ Wǝⱨ. 1:13.
- Footnote ◼ «munasiwǝtlik ayǝtlǝr» — «Mis.» 40:34-36, «1Pad.» 8:11-12.
- Cross-reference ◘ Mis. 40:34-36; 1Pad. 8:10-12; Yǝx. 6:4.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.