Muⱪeddes Kalam (yǝngi yeziⱪ)
Zǝbur 87
87-küy •••• Zionning uluƣluⱪi
Koraⱨning oƣulliri üqün yezilƣan küy-nahxa: —
Uning uli bolsa muⱪǝddǝs taƣlardidur. 1
Pǝrwǝrdigar ǝwzǝl kɵrǝr Yaⱪupning baxⱪa jayliridinmu,
Pǝqǝtla Zion dǝrwazilirini.
Xǝripinggǝ uluƣ ixlar eytilmaⱪta, i Hudaning xǝⱨiri!
Selaⱨ.
«Rahab we Babilliⱪlar bardur Meni tonuƣanlar arisida;
Filistiyǝlik, Tur we Efiopiyǝlik xu ⱪatarda» dǝymǝn.
Ular hǝⱪⱪidǝ bu adem tuƣulƣandur xu yǝrdǝ.2
Bǝrⱨǝⱪ, Zion toƣruluⱪ xundaⱪ eytilar: —
«Bu adǝm, palanqi-pokunqi uningda tuƣulƣan,
Ⱨǝmmidin Aliy Bolƣuqining Ɵzi uni mustǝⱨkǝmlǝydu».
Hǝlⱪ-ⱪowmlarni hatiriliginidǝ Pǝrwǝrdigar: —
«Bu kixi bu yǝrdǝ tuƣulƣan» — dǝp alaⱨidǝ hatirigǝ yezip ⱪoyidu.
Nahxiqilar, ussulqilar xuni tǝng eytidu: —
«Mening barliⱪ bulaⱪ-mǝnbǝlirim seningdidur!» 5
Source notes (5)
- Footnote ◼ «Uning uli bolsa muⱪǝddǝs taƣlardidur» — «Uning uli» — Hudaning uli, demǝk.
- Footnote ◼ «... Raⱨab we Babilliⱪlar» — «Raⱨab» bu yǝrdǝ Misirni bildüridu (mǝnisi: «tǝkǝbbur». «Yǝx.» 30:7ni kɵrüng). ««Meni tonup bilgǝnlǝr arisida Raⱨab bilǝn Babilni tilƣa alimǝn... mana bu adǝm xu yǝrdǝ tuƣulƣan» — dǝymǝn» — sɵzligüqi Huda Ɵzi bolsa kerǝk.
- Footnote ◼ ««Bu kixi bu yǝrdǝ tuƣulƣan» — dǝp alaⱨidǝ hatirigǝ yezip ⱪoyidu» — bu sirliⱪ sɵz Hudaning Yǝⱨudiy bolmiƣan («yat ǝllik») Ɵzigǝ etiⱪad ⱪilƣuqilarni etiⱪadi arⱪiliⱪ «Ɵzümgǝ tǝwǝ adǝm, Ɵzümning ailǝmdiki adǝm» dǝp ⱨesablap, ularƣa iltipat ⱪilip: «Yerusalemda tuƣulƣan» dǝp ⱨesablaydiƣanliⱪini kɵrsitidu.
- Cross-reference ◘ Zǝb. 22:31; Ibr.12:22-23
- Footnote ◼ «Mening barliⱪ bulaⱪ-mǝnbǝlirim seningdidur!» — «seningda» bǝlkim Zionda degǝn mǝnidǝ. Bǝzi alimlar mǝnisini «Huda Ɵzidǝ» dǝp ⱪaraydu.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.