Zǝbur 8

8-küy •••• Hudaning insan balisiƣa bolƣan uluƣ pilani

1Nǝƣmiqilǝrning bexiƣa tapxurulup, «Gittif»ta orunlansun dǝp, Dawut yazƣan küy: —

I, Ɵz ⱨǝywǝngni asmanlardinmu yuⱪiri tikligǝn Pǝrwǝrdigar Rǝbbimiz,

Pütkül yǝr yüzidǝ naming xunqǝ xǝrǝpliktur! 1

2Ɵz rǝⱪibliring tüpǝylidin,

Düxmǝn wǝ ⱪisasqilarning aƣzini etixkǝ,

Bowaⱪlar wǝ ǝmgüqilǝrning aƣzidin küq tikliding.2

3Mǝn barmaⱪliring yasiƣan asmanliringƣa,

Sǝn mǝzmut bekitkǝn ay-yultuzlarƣa ⱪariƣinimda,

4Sǝn insanni seƣinidikǝnsǝn,

Əmdi adǝm degǝn nemǝ idi?

Sǝn uning yeniƣa kelip yoⱪlaydikǝnsǝn,

Insan balisi ⱪanqilik nemǝ idi? 3

5Qünki Sǝn uning ornini pǝrixtilǝrningkidin azƣinǝ tɵwǝn bekittingsǝn,

Sǝn uningƣa xan-xǝrǝp wǝ xɵⱨrǝtlǝrni taj ⱪilip bǝrding. 4

6Uni ⱪolungning yasiƣanlirini idarǝ ⱪilixⱪa tikliding;

Sǝn barliⱪ nǝrsilǝrni uning puti astiƣa ⱪoyƣansǝn, 5

7Jümlidin barliⱪ ⱪoy-kalilar,

Daladiki barliⱪ janiwarlar,

8Asmandiki uqar-ⱪanatlar,

Dengizdiki beliⱪlar,

Dengizlarning yolliridin ɵtküqilǝrning barliⱪini puti astiƣa ⱪoydung.

9I Pǝrwǝrdigar Rǝbbimiz, pütkül yǝr yüzidǝ naming nemidegǝn xǝrǝplik-ⱨǝ!