Zǝbur 75

75-küy •••• Adil soraⱪqi Huda

1Nǝƣmiqilǝrning bexiƣa «Ⱨalak ⱪilmiƣaysǝn» degǝn aⱨangda oⱪulsun dǝp tapxurulƣan, Asafning küy-nahxisi: —

Sanga tǝxǝkkür eytimiz, i Huda, tǝxǝkkür eytimiz!

Qünki naming bizgǝ yeⱪindur;

Buni, ⱪilƣan karamǝtliring ispatlap jakarlaydu.

2Mǝnki Pǝrwǝrdigar: — «Mǝn bekitkǝn waⱪitni ihtiyarimƣa alƣinimda,

Adalǝt bilǝn soraⱪ ⱪilimǝn;

3Yǝr ⱨǝm yǝrning üstidǝ turuwatⱪanlar tǝwrinip tursimu,

Uning tüwrüklirini turƣuzƣuqi Ɵzümdurmǝn» — dedi.

Selaⱨ.

4Mahtanƣanlarƣa: — «Mahtanmanglar»,

Ⱨǝm rǝzillǝrgǝ «Münggüzüngni kɵtürmǝ» — dedim; 1

5«Münggüzüngni yuⱪiri kɵtürmǝ;

Boynungni ⱪattiⱪ ⱪilip ƣadiyip sɵzlimǝ!»

6Qünki kɵtürülüx xǝrⱪtin yaki ƣǝrbtin ǝmǝs,

Yaki jǝnubtinmu kǝlmǝydu; 2

7Qünki Huda sotqidur;

U birsini kɵtüridu, birsini qüxüridu.

8Qünki Pǝrwǝrdigarning ⱪolida bir ⱪǝdǝⱨ turidu;

Uningdiki xarab kɵpüklixiwatidu;

U ǝbjǝx xarab bilǝn toldi;

Huda uningdin tɵkidu;

Dǝrwǝⱪǝ yǝr yüzidiki barliⱪ rǝzillǝr uning duƣini ⱪoymay iqiwetidu;

9Mǝn bolsam, mǝnggügǝ guwaⱨliⱪ berimǝn: —

Yaⱪupning Hudasiƣa küylǝrni eytimǝn.

10«Mǝn rǝzillǝrning münggüzlirining ⱨǝmmisini kesip taxlaymǝn;

Biraⱪ ⱨǝⱪⱪaniylarning münggüzliri kɵtürülidu!». 3