Muⱪeddes Kalam (yǝngi yeziⱪ)
Zǝbur 47
47-küy •••• Huda mǝnggü ƣǝlibǝ ⱪilƣuqidur
Nǝƣmiqilǝrning bexiƣa tapxurulup oⱪulsun dǝp, Koraⱨning oƣulliri üqün yezilƣan küy: —
Barliⱪ ⱪowmlar, Hudani alⱪixlanglar!
Uningƣa yuⱪiri awazinglar bilǝn huxalliⱪ tǝntǝnisini yangritinglar!
Qünki Ⱨǝmmidin Aliy Bolƣuqi, Pǝrwǝrdigar, dǝⱨxǝtlik wǝ ⱨǝywǝtliktur,
Pütkül jaⱨanni soriƣuqi büyük Padixaⱨtur. 1
U bizgǝ hǝlⱪlǝrni boysundurup,
Bizni ǝl-millǝtlǝr üstigǝ ⱨakim ⱪilidu. 2
U biz üqün mirasimizni tallap,
Yǝni Ɵzi sɵygǝn Yaⱪupning pǝhri bolƣan zeminni bekitip bǝrdi.
Selaⱨ!
Huda tǝntǝnǝ sadasi iqidǝ,
Pǝrwǝrdigar sunay sadasi iqidǝ yuⱪiriƣa kɵtürüldi;
Hudaƣa nahxa-küy eytinglar, nahxa-küy eytinglar!
Padixaⱨimizƣa nahxa-küy eytinglar, nahxa-küy eytinglar!
Huda pütkül jaⱨanning padixaⱨidur;
Zeⱨninglar bilǝn uningƣa nahxa-küy eytinglar!
Huda ǝllǝr üstigǝ ⱨɵküm süridu;
U Ɵzining pak-muⱪǝddǝslikining tǝhtidǝ olturidu.
Əl-yurtlarning kattiliri jǝm bolup,
Ibraⱨimning Hudasining hǝlⱪigǝ ⱪoxuldi;
Qünki jaⱨandiki barliⱪ ⱪalⱪanlar Hudaƣa tǝwǝdur;
U nǝⱪǝdǝr aliydur! 3
Source notes (3)
- Footnote ◼ «...Pǝrwǝrdigar, dǝⱨxǝtlik wǝ ⱨǝywǝtliktur» — ibraniy tilida «dǝⱨxǝtlik» ⱨǝm «ⱨǝywǝtlik» bir sɵz bilǝnla ipadilinidu.
- Footnote ◼ «... Bizni ǝl-millǝtlǝr üstigǝ ⱨakim ⱪilidu» — ibraniy tilida: — «...Əl-millǝtlǝrni putimiz astida ⱪilidu».
- Footnote ◼ «...jaⱨandiki barliⱪ ⱪalⱪanlar Hudaƣa tǝwǝdur» — «ⱪalⱪanlar» bǝlkim dunyadiki barliⱪ ⱪoral-yaraⱪlarni kɵrsitidu. Baxⱪa birhil tǝrjimisi: — «padixaⱨlar».
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.