Muⱪeddes Kalam (yǝngi yeziⱪ)
Zǝbur 29
29-küy •••• Pǝrwǝrdigarning ⱨǝywisi
Dawut yazƣan küy: —
Pǝrwǝrdigarƣa bǝrgǝysilǝr, i Ⱪudrǝtlik Bolƣuqining pǝrzǝntliri,
Pǝrwǝrdigarƣa xanu-xǝwkǝt, küq bǝrgǝysilǝr! 1 2
Pǝrwǝrdigarƣa Ɵz namiƣa layiⱪ xanu-xǝwkǝt bǝrgǝysilǝr;
Pǝrwǝrdigarƣa pak-muⱪǝddǝslikning güzǝllikidǝ sǝjdǝ ⱪilinglar!
Pǝrwǝrdigarning sadasi qongⱪur sular üstigǝ ⱨɵküm süridu;
Xan-xǝrǝp igisi bolƣan Tǝngri güldürmamilarni yangritidu;
Pǝrwǝrdigar büyük dengizlar üstigǝ ⱨɵküm süridu. 3
Pǝrwǝrdigarning sadasi küqlüktur;
Pǝrwǝrdigarning sadasi ⱨǝywǝtkǝ tolƣandur;
Pǝrwǝrdigarning sadasi kedir dǝrǝhlirini sunduruwetidu;
Bǝrⱨǝⱪ, Pǝrwǝrdigar Liwandiki kedirlarni sunduruwetidu.
U ularni mozay oynaⱪlawatⱪandǝk oynaⱪlitidu;
Yawa kalining balisi oynaⱪlawatⱪandǝk, U Liwan wǝ Sirion teƣini oynaⱪlitidu. 4
Pǝrwǝrdigarning sadasi qaⱪmaⱪlarning yalⱪunlirini xahlitiwetidu; 5
Pǝrwǝrdigarning sadasi qɵl-jǝzirini zilziligǝ salidu;
Pǝrwǝrdigar Ⱪǝdǝxtiki qɵl-jǝzirini zilziligǝ salidu; 6
Pǝrwǝrdigarning sadasi dub dǝrǝhlirini ⱨǝryan tolƣitidu,
Ormanliⱪlarni yalingaqlaydu;
Uning ibadǝthanisida bolƣan ⱨǝmmisi «xanu-xǝwkǝt!» dǝp tǝntǝnǝ ⱪilidu. 7
Pǝrwǝrdigar topan üstigǝ ⱨɵkümranliⱪ ⱪilip olturidu;
Bǝrⱨǝⱪ, Pǝrwǝrdigar mǝnggügǝ padixaⱨ bolup ⱨɵküm sürüp olturidu. 8
Pǝrwǝrdigar Ɵz hǝlⱪigǝ ⱪudrǝtni bǝhx etidu;
Ɵz hǝlⱪini aman-hatirjǝmlik bilǝn bǝrikǝtlǝydu.
Source notes (8)
- Footnote ◼ «Pǝrwǝrdigarƣa bǝrgǝysilǝr,... Pǝrwǝrdigarƣa xanu-xǝwkǝt, küq bǝrgǝysilǝr!» — bu sirliⱪ sɵzning mǝnisi nemǝ? Mǝnisi qoⱪum xuki, Hudaning hǝlⱪi uningƣa ixinip tayanƣaqⱪa, xundaⱪla mǝdⱨiyǝ oⱪuƣaqⱪa, Huda ularning ⱨayatida Ɵz küq-ⱪudritini (xundaⱪla Ɵz xan-xǝripini) kɵrsitixigǝ xarait beridu.
- Cross-reference ◘ Zǝb. 96:7, 8
- Cross-reference ◘ Mis. 9:23
- Footnote ◼ «Sirion teƣi» — Liwanning ǝng egiz taƣ qoⱪⱪisi, yǝnǝ bir nami «Ⱨǝrmon».
- Footnote ◼ «Pǝrwǝrdigarning sadasi qaⱪmaⱪlarning yalⱪunlirini xahlitiwetidu» — baxⱪa birhil tǝrjimisi «Pǝrwǝrdigarning sadasi ot yalⱪunlirini yirtiwetidu». Biraⱪ aldi-kǝynidiki sɵzlǝrgǝ ⱪariƣanda, qaⱪmaⱪlarni kɵrsitixi mumkin.
- Footnote ◼ «Pǝrwǝrdigar Ⱪǝdǝxtiki qɵl-jǝzirini zilziligǝ salidu» — «Liwan taƣliri» (6-ayǝt) — Ⱪanaan (Pǝlǝstin)ning ximal tǝripi, «Ⱪǝdǝxtiki qɵl-jǝzirǝ» uning jǝnubiy tǝripi.
- Footnote ◼ «Pǝrwǝrdigarning sadasi dub dǝrǝhlirini ⱨǝryan tolƣitidu» — baxⱪa birhil tǝrjimisi «Pǝrwǝrdigarning sadasi marallarƣa oƣlaⱪlarni tuƣdurƣuzidu».
- Footnote ◼ «Pǝrwǝrdigar topan üstigǝ ⱨɵkümranliⱪ ⱪilip olturidu» — «topan» bǝlkim Nuⱨ pǝyƣǝmbǝr dǝwridiki topanni kɵrsitidu, bu yǝrdǝ kɵqmǝ mǝnidǝ bolup, dunyadiki ⱪalaymiⱪanqiliⱪnimu kɵrsitidu.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.