Muⱪeddes Kalam (yǝngi yeziⱪ)
Zǝbur 139:14
Verse 14 is marked below, with the whole chapter around it. Read from the start
139-küy •••• Huda ⱪǝlbni Bilgüqidur
Nǝƣmiqilǝrning bexiƣa tapxurulup oⱪulsun dǝp, Dawut yazƣan küy: —
I Pǝrwǝrdigar, Sǝn meni tǝkxürüp qiⱪting,
Ⱨǝm meni bilip yǝtting;
Ɵzüng olturƣinimni, turƣinimnimu bilisǝn;
Yiraⱪta turuⱪluⱪ kɵnglümdikini bilisǝn.
Basⱪan ⱪǝdǝmlirimni, yatⱪanlirimni ɵtkǝmǝngdin ɵtküzdung;
Barliⱪ yollirim Sanga ayandur.
Bǝrⱨǝⱪ, tilimƣa bir sɵz kelǝ-kǝlmǝstinla, i Pǝrwǝrdigar,
Mana Sǝn buni ǝyni boyiqǝ bilmǝy ⱪalmaysǝn.
Sǝn meni aldi-kǝynimdin orap turisǝn,
Ⱪolungni mening üstümgǝ ⱪondurƣansǝn.
Bundaⱪ bilim manga xunqilik tilsimat bilinidu!
Xundaⱪ yüksǝkki, mǝn uni bilip yetǝlmǝydikǝnmǝn.
Roⱨingdin neri boluxⱪa nǝlǝrgimu baralayttim?
Ⱨuzurungdin ɵzümni ⱪaqurup nǝlǝrgǝ baralayttim?
Asmanlarƣa qiⱪsam, mana Sǝn axu yǝrdǝ;
Tǝⱨtisarada orun salsammu, mana Sǝn xu yǝrdǝ; 1
Sǝⱨǝrning ⱪanatlirini elip uqup,
Dengizning ǝng qǝt yǝrliridǝ tursam,
Ⱨǝtta axu jayda ⱪolung meni yetǝklǝydu,
Ong ⱪolung meni yɵlǝydu.
Mǝn: «Ⱪarangƣuluⱪ meni yapsa,
Ətrapimdiki yoruⱪluⱪ qoⱪum keqǝ bolidu» — desǝm,
Ⱪarangƣuluⱪmu Sǝndin yoxurunalmaydu,
Keqimu Sanga kündüzdǝk aydingdur,
Ⱪarangƣuluⱪmu Sanga yoruⱪtǝktur.
Bǝrⱨǝk, Sǝn mening iqlirimni yasiƣansǝn;
Anamning ⱪorsiⱪida meni toⱪuƣansǝn; 2
Mǝn Seni mǝdⱨiyilǝymǝn,
Qünki mǝn sürlük wǝ karamǝt yasalƣanmǝn;
Sening ⱪilƣanliring karamǝt tilsimattur;
Buni jenim obdan bilidu.
Mǝn yoxurun jayda yasalƣinimda,
Yǝr tǝgliridǝ ǝpqillik bilǝn toⱪulup xǝkillǝndürülginimdǝ,
Ustihanlirim Sǝndin yoxurun ǝmǝs idi. 3
Əzalirim tehi apiridǝ bolmiƣan künlǝrdǝ,
Ular yasiliwatⱪan künlǝrdǝ,
Kɵzüng tehi xǝkillǝnmigǝn jismimni kɵrüp yǝtkǝnidi;
Ularning ⱨǝmmisi alliburun dǝptiringdǝ yezilƣanidi. 4
Aⱨ Tǝngrim, oyliring manga nǝⱪǝdǝr ⱪimmǝtliktur!
Ularning yiƣindisi xunqǝ zordur!
Ularni sanay desǝm, ular dengizdiki ⱪumlardinmu kɵptur;
Uyⱪudin kɵzümni aqsam, mǝn yǝnila Sǝn bilǝn billidurmǝn! 5
Aⱨ, Sǝn rǝzillǝrni ɵltürüwǝtsǝng iding, i Huda!
Ⱪanhor kixilǝr, mǝndin yiraⱪ bolux!
Qünki ular Sening toƣruluⱪ ⱨiylilik bilǝn sɵzlǝydu;
Sening xǝⱨǝrliring ular tǝripidin azduruldi. 6
Sanga ɵqmǝn bolƣanlarƣa, i Pǝrwǝrdigar, mǝnmu ɵqⱪu?
Sanga ⱪarxi qiⱪⱪanlarƣa mǝnmu yirginimǝnƣu?
Ularƣa qix-tirniⱪimƣiqǝ ɵqturmǝn;
Ularni ɵz düxmǝnlirim dǝp ⱨesablaymǝn.
Meni kɵzitip tǝkxürgǝysǝn, i Tǝngrim!
Mening ⱪǝlbimni bilip yǝtkǝysǝn!
Meni sinap, ƣǝmlik oylirimni bilgǝysǝn; 7
Mǝndǝ Ɵzünggǝ azar bǝrgüdǝk yolning bar-yoⱪluⱪini kɵrgǝysǝn;
Wǝ meni mǝnggülük yolungda yetǝkligǝysǝn!
Source notes (7)
- Cross-reference ◘ Ayup 26:6; Am. 9:2, 3, 4; Ibr. 4:13
- Footnote ◼ «Bǝrⱨǝⱪ, Sǝn mening iqlirimni yasiƣansǝn» — yaki «Qünki Sǝn mening iqlirimni yasiƣansǝn». «Iqlirim» bolsa ibraniy tilida «bɵrǝklirim» degǝn sɵz bilǝn ipadilinidu (bǝzi waⱪitlarda bɵrǝklǝr wijdanni bildüridu). Baxⱪa birhil tǝrjimisi: «Bǝrⱨǝⱪ, Sǝn mening iqlirimgǝ igidursǝn».
- Cross-reference ◘ Ayup 10:8,10; Top. 11:5
- Footnote ◼ «Ularning ⱨǝmmisi alliburun dǝptiringdǝ yezilƣanidi» — yǝnǝ birhil tǝrjimisi: «Ular yoⱪ bolƣan waⱪitta, manga bekitilgǝn künlirimning ⱨǝmmisi dǝptiringdǝ yezilƣan».
- Footnote ◼ «Uyⱪudin kɵzümni aqsam, mǝn yǝnila Sǝn bilǝn billidurmǝn!» — «uyⱪudin kɵzümni aqsam» bu yǝrdǝ bǝlkim tirilix künini puritidu.
- Footnote ◼ «Sening xǝⱨǝrliring ular tǝripidin azduruldi» — baxⱪa birhil tǝrjimisi: «sening düxmǝnliring namingni bikar ixlitidu».
- Cross-reference ◘ Ayup 31:6; Zǝb. 17:3; 26:2
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.