Muⱪeddes Kalam (yǝngi yeziⱪ)

Zǝbur 133

133-küy •••• Birlikning bǝhti

«Yuⱪiriƣa qiⱪix nahxisi»; Dawut yazƣan küy: —

Ⱪara, mana, ⱪerindaxlar birliktǝ turux nemidegǝn yahxi, nemidegǝn xerindur!

U Ⱨarunning bexiƣa tɵkülüp, saⱪilidin aⱪⱪan awu ⱪimmǝtlik maydǝk,

U Ⱨarunning saⱪilidin eⱪip,

Kiyim-keqǝkning yaⱪisiƣa qüxkǝn ⱪimmǝtlik mayƣa ohxaydu; 1

U yǝnǝ Ⱨǝrmon teƣidiki xǝbnǝmning Zion taƣliriƣa qüxüxigǝ ohxaydu;

Qünki xu yǝrdǝ Pǝrwǝrdigar bǝrikǝtni —

Yǝni mǝnggülük ⱨayatni buyruƣan! 2

Source notes (2)

Footnote ◼ «U Ⱨarunning bexiƣa tɵkülüp, saⱪilidin aⱪⱪan awu ⱪimmǝtlik maydǝk, u Ⱨarunning saⱪilidin eⱪip, kiyim-keqǝkning yaⱪisiƣa qüxkǝn ⱪimmǝtlik mayƣa ohxaydu» — ⱨǝzriti Ⱨarunni bax kaⱨin ⱪilip tiklǝx üqün, u alaⱨidǝ puraⱪliⱪ mǝhsus may bilǝn «mǝsiⱨ ⱪilinƣan». Tǝwrat, «Mis.», 30:22-38-ayǝtlǝrni kɵrüng.
Footnote ◼ «U yǝnǝ Ⱨǝrmon teƣidiki xǝbnǝmning Zion taƣliriƣa qüxüxigǝ ohxaydu....» — «Ⱨǝrmon teƣi» Pǝlǝstindiki ǝng egiz taƣ bolup, ǝtrapida ⱨǝrküni qüxkǝn xǝbnǝm intayin mol bolup, ⱨǝmmǝ janiwarni janlanduridu. U Zion taƣliridin 300 kilometr yiraⱪ. Zion teƣiƣa qüxidiƣan xǝbnǝm azdur; mol xǝbnǝm Zionƣa qüxsǝ, u zor wǝ ajayib bǝrikǝt bolatti, ǝlwǝttǝ.

Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.