Muⱪeddes Kalam (yǝngi yeziⱪ)
Zǝbur 120
120-küy •••• Uruxⱪaⱪ hǝlⱪ arisida
«Yuⱪiriƣa qiⱪix nahxisi»
Beximƣa kün qüxkǝndǝ mǝn Pǝrwǝrdigarƣa nida ⱪildim;
U manga jawab bǝrdi. 1
I Pǝrwǝrdigar, jenimni yalƣan sɵzlǝydiƣan lǝwlǝrdin,
Aldamqi tildin ⱪutuldurƣaysǝn. 2
Sanga nemǝ berilidu,
Sanga nemǝ ⱪoxuluxi kerǝk,
Əy aldamqi til?
— Palwan atⱪan ɵtkür oⱪlar,
Arqa qoƣliri sanga tǝgsun! 3
Mǝxǝk diyarida musapir bolup yaxiƣinimƣa,
Kedar qedirliri arisida turƣinimƣa ⱨalimƣa way! 4
Mǝn tinqliⱪⱪa ɵqlǝr arisida uzundin buyan turuwatimǝn;
Mǝn tinqliⱪpǝrwǝrmǝn;
Biraⱪ gǝp ⱪilsam, ular uruximizla, dǝydu.
Source notes (4)
- Footnote ◼ «Yuⱪiriƣa qiⱪix nahxisi» — bundaⱪ mawzuluⱪ küydin jǝmiy 15i bar. Buning mǝnisi toƣruluⱪ alimlarning üq hil pikri bar: (1) Yerusalemdiki ikkinqi ibadǝthana iqidǝ ⱨoyliƣa qiⱪidiƣan 15 pǝlǝmpǝy bar idi; ⱨeyt waⱪitlirida ⱨǝrbir pǝlǝmpǝydǝ tohtap bir küy eytilƣan. (2) Yerusalemƣa tawab ⱪilix ⱨeytiƣa barmaⱪqi (ibraniy tilida bu «qiⱪmaⱪqi» degǝn sɵz bilǝn ipadilinidu) bolƣan yoluqilar bu nahxilarni eytⱪan; (3) bu 15 küy Israillar Babil imperiyǝsidiki sürgünlüktin ⱪutulup qiⱪip, Yerusalemƣa ⱪaytip kǝlgǝnliki (ibraniy tilida «qiⱪⱪanliⱪi»)ni tǝbriklǝydiƣan nahxilar idi. Bizningqǝ üq pikirning ⱨǝmmisi toƣra boluxi mumkin.
- Cross-reference ◘ 1Sam. 24:10; 26:19
- Cross-reference ◘ Zǝb. 11:2; 59:7
- Footnote ◼ «Mǝxǝk diyarida .... Kedar qedirliri arisida...» — «Mǝxǝk» — Israil zeminidin ǝng qǝt jay dǝp ⱨesablanƣan (bǝlkim ⱨazirⱪi Moskwa yaki Türkiyǝ); Kedardikilǝr bolsa Israilning Ərǝb ⱪoxniliri ⱨǝm rǝⱪibliri idi. Bu yǝrdǝ ular bǝlkim Hudani etirap ⱪilmaydiƣan ⱨǝrhil ǝllǝrni bildüridu.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.