Muⱪeddes Kalam (yǝngi yeziⱪ)
Zǝbur 118
118-küy •••• «Pǝrwǝrdigarning namida kǝlgüqigǝ mubarǝk bolsun!»
Pǝrwǝrdigarƣa tǝxǝkkür eytinglar, qünki U meⱨribandur;
Uning meⱨir-muⱨǝbbiti mǝnggüdur!
Israil: «Uning meⱨir-muⱨǝbbiti mǝnggüdur» — desun!
Ⱨarun jǝmǝti: «Uning meⱨir-muⱨǝbbiti mǝnggüdur» — desun!
Pǝrwǝrdigardin ⱪorⱪidiƣanlar: «Uning meⱨir-muⱨǝbbiti mǝnggüdur» — desun!
Ⱪistaⱪta ⱪelip Yaⱨƣa nida ⱪildim;
Yaⱨ jawab berip, meni kǝngri-azadiliktǝ turƣuzdi.
Pǝrwǝrdigar mǝn tǝrǝptidur, mǝn ⱪorⱪmaymǝn;
Insan meni nemǝ ⱪilalisun? 1
Pǝrwǝrdigar manga yardǝm ⱪilƣuqilar arisida bolup, mening tǝripimdidur;
Ɵqmǝnlirimning mǝƣlubiyitini kɵrimǝn.
Pǝrwǝrdigarni baxpanaⱨim ⱪilix,
Insanƣa tayinixtin ǝwzǝldur; 2
Pǝrwǝrdigarni baxpanaⱨim ⱪilix,
Əmirlǝrgǝ tayinixtin ǝwzǝldur.
Barliⱪ ǝllǝr meni ⱪorxiwaldi;
Biraⱪ Pǝrwǝrdigarning nami bilǝn ularni ⱨalak ⱪilimǝn; 3 4
Ular meni ⱪorxiwaldi; bǝrⱨǝⱪ, ⱪorxiwaldi;
Biraⱪ Pǝrwǝrdigarning nami bilǝn mǝn ularni ⱨalak ⱪilimǝn;
Ular ⱨǝrilǝrdǝk meni ⱪorxiwaldi;
Ular yeⱪilƣan yantaⱪ otidǝk tezla ɵqürülidu;
Qünki Pǝrwǝrdigarning nami bilǝn mǝn ularni ⱨalak ⱪilimǝn.
Sǝn düxmǝn meni zǝrb bilǝn ittǝrding,
Yiⱪilƣili tas ⱪaldim;
Biraⱪ Pǝrwǝrdigar manga yardǝmdǝ boldi.
Küqüm wǝ nahxam bolsa Yaⱨdur;
U mening nijatliⱪim boldi!
Ⱨǝⱪⱪaniylarning qedirlirida xadliⱪ wǝ nijatliⱪning tǝntǝniliri yangritilmaⱪta;
Pǝrwǝrdigarning ong ⱪoli zǝpǝr ⱪuqmaⱪta!
Pǝrwǝrdigarning ong ⱪoli egiz kɵtürülgǝn!
Pǝrwǝrdigarning ong ⱪoli zǝpǝr ⱪuqmaⱪta! 5
Mǝn ɵlmǝymǝn, bǝlki yaxaymǝn,
Yaⱨning ⱪilƣanlirini jakarlaymǝn.
Pǝrwǝrdigar manga ⱪattiⱪ tǝrbiyǝ bǝrgǝn bolsimu,
Biraⱪ U meni ɵlümgǝ tapxurmidi.
Ⱨǝⱪⱪaniyǝt dǝrwazilirini manga eqip beringlar;
Mǝn kirimǝn, Yaⱨni mǝdⱨiyilǝymǝn. 6
Bu Pǝrwǝrdigarning dǝrwazisidur;
Ⱨǝⱪⱪaniylar buningdin kiridu!
Mǝn sanga tǝxǝkkür eytimǝn;
Qünki Sǝn manga jawab ⱪayturdung,
Ⱨǝm mening nijatliⱪim boldung.
Tamqilar taxliwǝtkǝn tax bolsa,
Burjǝk texi bolup tiklǝndi. 7 8
Bu ix Pǝrwǝrdigardindur,
Bu kɵzimiz aldida karamǝt boldi. 9
Bu Pǝrwǝrdigar yaratⱪan kündur;
Biz uningda xadlinip hursǝn bolimiz.
Ⱪutⱪuzƣaysǝn, i Pǝrwǝrdigar, Sǝndin ɵtünimǝn;
Sǝndin ɵtünimǝn, bizni yaxnatⱪaysǝn! 10 11
Pǝrwǝrdigarning namida Kǝlgüqigǝ mubarǝk bolsun!
Biz Pǝrwǝrdigarning ɵyidǝ turup sanga «Mubarǝk!» dǝp towliduⱪ.
Pǝrwǝrdigar Tǝngridur;
U üstimizgǝ nur bǝrgǝn;
Ⱨeytliⱪ ⱪurbanliⱪni tanilar bilǝn baƣlanglar,
— Ⱪurbangaⱨning münggüzlirigǝ ilip baƣlanglar. 12
Sǝn mening Ilaⱨimdursǝn,
Mǝn Sanga tǝxǝkkür eytimǝn;
Mening Hudayim, mǝn Seni uluƣlaymǝn.
Pǝrwǝrdigarƣa tǝxǝkkür eytinglar;
Qünki U meⱨribandur;
Uning meⱨir-muⱨǝbbiti mǝnggüdur!
Source notes (12)
- Cross-reference ◘ Rim. 8:31
- Cross-reference ◘ Zǝb. 62:8, 9; 146:3; Yǝr. 17:5, 7
- Footnote ◼ «Barliⱪ ǝllǝr meni ⱪorxiwaldi; biraⱪ Pǝrwǝrdigarning nami bilǝn ularni ⱨalak ⱪilimǝn;...» — bu küydiki 10-29-ayǝtlǝr kimni kɵrsǝtkǝnlikini oⱪurmǝnlǝr Injil, «Matta», «Markus» ⱨǝm «Luⱪa» ⱪismiliridiki ahirⱪi nǝqqǝ bablardin kɵrǝlǝydu.
- Cross-reference ◘ Zǝb. 18:43, 47, 48; Yǝx. 11:1-10; Rim. 15:12
- Cross-reference ◘ Luⱪa 1:51
- Cross-reference ◘ Yǝx. 26:2
- Footnote ◼ «Tamqilar taxliwǝtkǝn tax bolsa, burjǝk texi bolup tiklǝndi» — «Mat.» 20:42ni kɵrüng.
- Cross-reference ◘ Yǝx. 8:14; 28:16; Mat. 21:42; Mar. 12:10; Luⱪa 20:17; Ros. 4:11; Rim. 9:33; Əf. 2:20; 1Pet. 2:4, 7
- Cross-reference ◘ Yǝx. 29:14
- Footnote ◼ «Ⱪutⱪuzƣaysǝn, i Pǝrwǝrdigar!» — ibraniy tilida «Ⱨoxanna!» degǝn sɵz. «Mat.», 21:9ni kɵrüng.
- Cross-reference ◘ Mat. 21:9, 15; Mar. 11:9, 10; Yuⱨ. 12:13
- Footnote ◼ «Ⱨeytliⱪ ⱪurbanliⱪni tanilar bilǝn baƣlanglar, — ⱪurbangaⱨning münggüzlirigǝ ilip baƣlanglar» — muⱪǝddǝs ibadǝthanidiki ⱪurbangaⱨning tɵt bürjikining ⱨǝrbirigǝ bir «münggüz» (ilmǝk) bekitilgǝn. «Muⱪǝddǝs qedir»ni kɵrsitidiƣan shemilarni kɵrüng.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.