Muⱪeddes Kalam (yǝngi yeziⱪ)
Zǝbur 110
110-küy •••• Kǝlgüsidiki alǝmning Padixaⱨi — Dawutning ǝwladi Mǝsiⱨ
Dawut yazƣan küy: —
Pǝrwǝrdigar mening Rǝbbimgǝ: —
«Mǝn sening düxmǝnliringni tǝhtipǝring ⱪilƣuqǝ,
Ong yenimda olturƣin» — dedi. 1
Pǝrwǝrdigar ⱪudritingni kɵrsitidiƣan xaⱨanǝ ⱨasangni Ziondin uzitidu;
Düxmǝnliring arisida ⱨɵküm sürgin! 2
Küqüngni kɵrsitidiƣan kündǝ,
Ɵz hǝlⱪing halis ⱪurbanliⱪ kǝbi pida bolidu;
Muⱪǝddǝs ⱨǝywitingdǝ,
Xu yaxliⱪ dǝwringdikidǝk,
Sanga ⱨazirmu xǝbnǝmlǝr sǝⱨǝrning baliyatⱪusidin yengi qiⱪⱪandǝk qüxidu; 3
Pǝrwǝrdigar xundaⱪ ⱪǝsǝm iqti,
Ⱨǝm buningdin yanmaydu: —
«Sǝn ǝbǝdil’ǝbǝdgiqǝ Mǝlkizǝdǝkning tipidiki bir kaⱨindursǝn». 4 5
Ong tǝripingdǝ bolƣan Rǝb ƣǝzipini kɵrsǝtkǝn kündǝ padixaⱨlarni urup parǝ-parǝ ⱪiliwetidu;
U ǝllǝr arisida sotlaydu;
Jay-jaylarni jǝsǝtlǝr bilǝn tolduridu;
Kǝng zeminning bexini yaridu; 6
U yolda eriⱪtin su iqidu;
U xunga kixining bexini yɵligüqi bolidu. 7
Source notes (7)
- Footnote ◼ «Mǝn sening düxmǝnliringni tǝhtipǝring ⱪilƣuqǝ» — «tǝhtipǝr» padixaⱨ tǝhtkǝ olturƣanda puti turidiƣan jay.
- Footnote ◼ «Pǝrwǝrdigar ⱪudritingni kɵrsitidiƣan xaⱨanǝ ⱨasangni Ziondin uzitidu» — bu sɵzning mǝnisi bǝlkim: Huda yǝr yüzidǝ ɵz sǝltǝnitini ⱪurƣanda, tikligǝn padixaⱨ Mǝsiⱨning küq-ⱪudriti ⱨǝm ⱨoⱪuⱪi Yerusalemdin qiⱪip ⱨǝr yǝrgǝ yetip baridu.
- Footnote ◼ «Ɵz hǝlⱪing halis ⱪurbanliⱪ kǝbi pida bolidu» — «halis ⱪurbanliⱪ», 54-küy, 6-ayǝttiki izaⱨatni kɵrüng. «Muⱪǝddǝs ⱨǝywitingdǝ, xu yaxliⱪ dǝwringdikidǝk, sanga ⱨazirmu xǝbnǝmlǝr sǝⱨǝrning baliyatⱪusidin yengi qiⱪⱪandǝk qüxidu» — deⱨⱪanlarƣa mǝlum bolƣinidǝk, xǝbnǝm adǝttǝ pǝⱪǝt yapyexil otyaxlar wǝ dǝrǝhlǝrning üstigǝ qüxidu. Ⱪuruⱪ-ⱪaⱪxal bolup ⱪalƣan dǝrǝhlǝrgǝ qüxmǝydu. Kɵqmǝ mǝnisi, Mǝsiⱨ mǝnggügǝ yapyexil dǝrǝhtǝk yax turuweridu. Baxⱪa birhil tǝrjimisi: «Alǝmning sǝⱨiri bolmiƣuqǝ, Seni tuƣuldurdum». Bu tǝrjimǝ ⱪǝdimki grek til tǝrjimisi LXXgǝ ohxax.
- Footnote ◼ «Sǝn ǝbǝdil’ǝbǝdgiqǝ Mǝlkizǝdǝkning tipidiki bir kaⱨindursǝn» — Mǝlkizǝdǝk degǝn adǝm ⱨǝzriti Ibraⱨimƣa kaⱨin (Hudaƣa wǝkil bolup ⱪurbanliⱪni ⱪobul ⱪilƣuqi) bolƣan ⱨǝm Ibraⱨim alƣan oljidin ondin birini alƣan («Yar.» 14-bab). Demǝk, u Ibraⱨimdin uluƣ idi, xunglaxⱪa Ibraⱨimning ǝwladliridin bolƣan kaⱨinlardinmu uluƣ idi. «Yar.» 14-babta deyilginiqǝ, bu sirliⱪ adǝmning ata-anisi yoⱪ idi. Injil «Ibraniylarƣa», 8- ⱨǝm 10-babni kɵrüng. «Mǝlkizǝdǝk»ning mǝnisi: «Ⱨǝⱪⱪaniyliⱪning padixaⱨi» «Amanliⱪ padixaⱨi». Undaⱪta bu yǝrdǝ «Sǝn ǝbǝdil’ǝbǝdgiqǝ Mǝlkizǝdǝkning tipidiki bir kaⱨindursǝn» dǝp bekitilixi alǝmdǝ uning ǝng aliy kaⱨin dǝp bekitilgǝnlikini kɵrsitidu.
- Cross-reference ◘ Ibr. 5:6; 6:20; 7:17
- Cross-reference ◘ Wǝⱨ. 14:14-20; 16:14-16; 20:8-10
- Footnote ◼ «U yolda eriⱪtin su iqidu; u xunga kixining bexini yɵligüqi bolidu» — bu sirliⱪ gǝp bǝlkim Mǝsiⱨning kiqik peil ikǝnlikini, ⱨǝmdǝ ɵziningmu kiqik peil mɵminlǝrgǝ tǝsǝlli beridiƣanliⱪini kɵrsitidu. «U xunga kixining bexini yɵligüqi bolidu» — baxⱪa birhil tǝrjimisi: «Xunga u (ɵz) bexini kɵtüridu».
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.