Pǝnd-nǝsiⱨǝtlǝr 19

1Pǝzilǝtlik yolda mangƣan kǝmbǝƣǝl,

Ⱨiyligǝr sɵzlük ǝhmǝⱪtin yahxidur. 1

2Yǝnǝ, ƣǝyriti bar kixi bilimsiz bolsa bolmas;

Aldirangƣu yoldin qiⱪar. 2

3Kixining ǝhmǝⱪliⱪi ɵz yolini astin-üstin ⱪiliwetǝr;

Xundaⱪ turuⱪluⱪ u kɵnglidǝ Pǝrwǝrdigardin rǝnjip aƣrinar. 3

4Bayliⱪ dostni kɵp ⱪilar;

Miskinlǝr bar dostidinmu ayrilip ⱪalar. 4

5Yalƣan guwaⱨliⱪ ⱪilƣan jazalanmay ⱪalmas;

Yalƣan eytⱪuqimu jazadin ⱪutulalmas. 5 6

6Tola adǝm sehiydin iltipat kɵzlǝr;

Sowƣat berip turƣuqiƣa ⱨǝmmǝ kixi dosttur. 7

7Namratlaxⱪandin ⱪerindaxlirimu zerikǝr;

Uning dostliri tehimu yiraⱪ ⱪaqar;

Yalwurup ⱪoƣlisimu, ular tepilmas. 8

8Pǝm-parasǝtkǝ erixküqi ɵzigǝ kɵyünǝr;

Nurni saⱪliƣan kixining bǝhti bolar.

9Yalƣan guwaⱨliⱪ ⱪilƣan jazalanmay ⱪalmas;

Yalƣan eytⱪuqimu ⱨalak bolar. 9

10Ⱨǝxǝmǝtlik turmux ǝhmǝⱪⱪǝ yaraxmas;

Ⱪulning ǝmǝldarlar üstidin ⱨɵküm sürüxi tehimu ⱪamlaxmas. 10

11Danixmǝnlik igisini asanliⱪqǝ aqqiⱪlanmaydiƣan ⱪilar;

Hataliⱪni yoputup kǝqürüx uning xɵⱨritidur.

12Padixaⱨning ƣǝzipi xirning ⱨuwlixiƣa ohxax dǝⱨxǝtlik bolar;

Uning xǝpⱪiti yumran ot-qɵpkǝ qüxkǝn xǝbnǝmdǝk xerindur. 11

13Əhmǝⱪ oƣul atisi üqün bala-ⱪazadur;

Uruxⱪaⱪ hotunning zarlaxliri tohtimay temip qüxkǝn tamqǝ-tamqǝ yeƣinƣa ohxaxtur. 12

14Ɵy bilǝn mal-mülük ata-bowilardin mirastur;

Biraⱪ pǝm-parasǝtlik hotun Pǝrwǝrdigarning iltipatidindur. 13

15Ⱨurunluⱪ kixini ƣǝplǝt uyⱪuƣa ƣǝrⱪ ⱪilar;

Bikar tǝlǝp aqarqiliⱪning dǝrdini tartar. 14

16Pǝrwǝrdigarning ǝmrigǝ ǝmǝl ⱪilƣan kixi ɵz jenini saⱪlar;

Ɵz yolliridin ⱨezi bolmiƣan kixi ɵlǝr. 15 16

17Kǝmbǝƣǝllǝrgǝ rǝⱨimdilliⱪ ⱪilƣan,

Pǝrwǝrdigarƣa ⱪǝrz bǝrgǝn bilǝn barawǝrdur;

Uning xǝpⱪitini Pǝrwǝrdigar ⱪayturar.

18Pǝrzǝntingning tǝrbiyini ⱪobul ⱪilixiƣa ümidwar bolup,

Uni jazalap tǝrbiyǝ berip turƣin;

Lekin uni ɵlgüqǝ har bolsun degüqi bolma. 17 18

19Ⱪǝⱨrlik kixi jaza tartar;

Uni ⱪutⱪuzmaⱪqi bolsang, ⱪayta-ⱪayta ⱪutⱪuzuxung kerǝk.

20Nǝsiⱨǝtni angliƣin, tǝrbiyǝni ⱪobul ⱪilƣin,

Undaⱪ ⱪilƣanda keyinki künliringdǝ dana bolisǝn.

21Kixining kɵnglidǝ nurƣun niyǝtlǝr bar;

Ahirida pǝⱪǝt Pǝrwǝrdigarning dalalǝt-ⱨidayitidin qiⱪⱪan ix aⱪar. 19

22Kixining yeⱪimliⱪi uning meⱨir-muⱨǝbbitidindur;

Miskin bolux yalƣanqiliⱪtin yahxidur.

23Pǝrwǝrdigardin ǝyminix kixini ⱨayatⱪa erixtürǝr;

U kixi hatirjǝm, toⱪ yaxap, bala-ⱪaza qüxürülüxidin haliy bolar. 20

24Ⱨurun ⱪolini sunup ⱪaqiƣa tiⱪⱪini bilǝn,

Ƣizani aƣziƣa selixⱪimu ⱨurunluⱪ ⱪilar. 21

25Ⱨakawurƣa ⱪilinƣan tayaⱪ jazasi saddiƣa ⱪilinƣan ibrǝttur;

Yorutulƣan kixigǝ berilgǝn tǝnbiⱨ,

Uning bilimini tehimu ziyadǝ ⱪilar. 22

26Atisining melini buliƣan,

Anisini ɵyidin ⱨǝydǝp qiⱪarƣan,

Rǝswaliⱪ, iza-aⱨanǝt ⱪaldurƣuqi oƣuldur.

27I oƣul, nǝsiⱨǝtkǝ ⱪuliⱪingni yopuruwalsang,

Əⱪilning tǝlimliridin yiraⱪlaxⱪiningdur. 23

28Pǝskǝx guwaⱨqi adalǝtni mazaⱪ ⱪilƣuqidur;

Yaman adǝmning aƣzi rǝzillikni yutar. 24

29Ⱨakawurlar üqün jazalar tǝyyardur,

Əhmǝⱪlǝrning dümbisigǝ uridiƣan ⱪamqa tǝyyardur. 25