Muⱪeddes Kalam (yǝngi yeziⱪ)
Pǝnd-nǝsiⱨǝtlǝr 11
Yalƣan taraza Pǝrwǝrdigarƣa yirginqliktur;
Adil jing texi Uni hursǝn ⱪilar. 1
Tǝkǝbburluⱪ bilǝn birgǝ xǝrmǝndiqilik ǝgixip kelǝr;
Lekin danaliⱪ kiqik peillarƣa ⱨǝmraⱨ bolar. 2
Toƣrilarning sǝmimiyliki ɵzini yetǝklǝr;
Lekin kazzaplarning ǝgriliki ɵzini wǝyran ⱪilar. 3
Hudaning ƣǝzǝp künidǝ mal-dunyaning paydisi bolmas;
Lekin ⱨǝⱪⱪaniyǝt adǝmni ɵlümdin ⱪutⱪuzar. 4
Kamil adǝmning ⱨǝⱪⱪaniyliⱪi ɵzini tüz yolƣa baxlar;
Yaman adǝm ɵz yamanliⱪidin yiⱪilar.
Durus adǝmlǝrning ⱨǝⱪⱪaniyliⱪi ɵzlirini ⱪutⱪuzar;
Lekin kazzaplar ɵz ⱨiylǝ-nǝyringidin tutular.
Rǝzil adǝm ɵlsǝ, uning ümidi yoⱪⱪa qiⱪar;
Gunaⱨkarning ümidi ahiri ⱪuruⱪ ⱪalar. 5
Ⱨǝⱪⱪaniy adǝm ⱪiyinqiliⱪtin haliy ⱪilinar;
Rǝzil adǝm uning orniƣa tutular. 6
Munapiⱪlar ɵz aƣzi bilǝn yeⱪinini buzar;
Lekin ⱨǝⱪⱪaniylar bilimi bilǝn ⱪutⱪuzular.
Ⱨǝⱪⱪaniy adǝm ronaⱪ tapsa, xǝⱨǝr hux bolar;
Rǝzil adǝm ⱨalak bolsa, hǝlⱪ tǝntǝnǝ ⱪilar.
Toƣrilarning bǝrikǝt tilǝxliri bilǝn xǝⱨǝr güllinǝr;
Lekin rǝzillǝrning tili bilǝn wǝyran bolar.
Ɵz yeⱪinini sɵkidiƣan kixi — ǝⱪilsizdur;
Əmma yorutulƣan adǝm aƣzini yiƣar.
Gǝp toxuƣuqi mǝhpiyǝtlǝrni axkarilar;
Sadiⱪ adǝm amanǝtkǝ hiyanǝt ⱪilmas.
Yolyoruⱪ kǝm bolsa, ǝl-yurt yiⱪilar;
Uluƣ bir mǝsliⱨǝtqi bolsa, ǝl nijat tapar. 7 8
Yatⱪa borun bolƣan kixi ziyan tartmay ⱪalmas;
Ⱪol berixip kepil boluxni yaman kɵrgǝn kixining ⱪuliⱪi tinq bolar. 9
Xapaǝtlik ayal izzǝt-ⱨɵrmǝtni ⱪoldin bǝrmǝs;
Zorawanlar bayliⱪni ⱪoldin bǝrmǝs.
Rǝⱨimdil ɵz-ɵzigǝ bǝht yaritar;
Rǝⱨimsiz ɵz tenini aƣritar.
Yaman adǝmlǝrning alƣan ix ⱨǝⱪⱪi ularni aldar, bǝrikǝtsiz bolar;
Əmma ⱨǝⱪⱪaniyǝt teriƣuqi adǝm ǝmǝliy in’am alar. 10
Ⱨǝⱪⱪaniyǝt adǝmgǝ ⱨayatliⱪ tapⱪuzar;
Yamanliⱪni kɵzlǝp yüridiƣan kixi ɵlümgǝ yüz tutar.
Niyiti buzuⱪ kixi Pǝrwǝrdigarƣa yirginqliktur;
Əmma yoli diyanǝtlik kixilǝr uning hursǝnlikidur.
Ⱪol tutuxup birlǝxsimu, yamanlar jazaƣa tartilmay ⱪalmas;
Lekin ⱨǝⱪⱪaniylarning nǝsli nijat tapar. 11 12
Qirayliⱪ ǝmma tetiⱪsiz hotun,
Qoxⱪining tumxuⱪiƣa altun ⱨalⱪa salƣandǝktur.
Ⱨǝⱪⱪaniylarning arzusi pǝⱪǝt yahxi mewǝ elip kelǝr;
Yamanlarning kütkini ƣǝzǝp-nǝprǝttur.
Biraw mǝrdlǝrqǝ tarⱪatsimu, güllinǝr;
Yǝnǝ biraw berixkǝ tegixlikini ayisimu, pǝⱪǝt namratlixar.
Mǝrd adǝm ǝtlinǝr;
Baxⱪilarni suƣarƣuqi ɵzimu suƣirilar. 13
Axliⱪni satmay besiwalƣan kixi ǝlning lǝnitigǝ uqraydu;
Lekin axliⱪni setip bǝrgüqigǝ bǝrikǝt tilinǝr.
Yahxiliⱪni izdǝp intilgǝn adǝm xapaǝt tapar;
Yamanliⱪni izdigǝn adǝm ɵzi yamanliⱪ kɵrǝr. 14
Ɵz mal-duniyasiƣa tayanƣuqi yiⱪilar;
Ⱨǝⱪⱪaniy kixi yopurmaⱪtǝk kɵkirǝr. 15
Ɵz ɵyigǝ azarqiliⱪ salƣan kixi xamalƣa miras bolar;
Əⱪilsiz adǝm aⱪilanining ⱪuli bolup ⱪalar.
Ⱨǝⱪⱪaniyning beridiƣan mewisi «ⱨayatliⱪ dǝrihi»dur;
Dana kixi kɵngüllǝrni ⱨayatliⱪⱪa mayil ⱪilar. 16 17
Ⱪaranglar, ⱨǝⱪⱪaniy adǝm bu dunyada sǝwǝnliki üqün bǝdǝl tɵligǝn yǝrdǝ,
Rǝzillǝr bilǝn gunaⱨkarlarning aⱪiwiti ⱪandaⱪ bolar? 18 19
Source notes (19)
- Cross-reference ◘ Law. 19:36; Ⱪan. 25:13; Pǝnd. 16:11; 20:10,23
- Cross-reference ◘ Pǝnd. 15:33; 16:18; 18:12
- Cross-reference ◘ Pǝnd. 13:6
- Cross-reference ◘ Pǝnd. 10:2; Əz. 7:19; Zǝf. 1:18
- Footnote ◼ «Gunaⱨkarning ümidi...» — baxⱪa birhil tǝrjimisi, «Küqlüklǝrning ümidi...».
- Cross-reference ◘ Zǝb. 34:19; Pǝnd. 21:18
- Footnote ◼ «Yolyoruⱪ kǝm bolsa...» — baxⱪa birhil tǝrjimisi, «Kɵp mǝsliⱨǝtqilǝr bolsa,...». «...nijat tapar» — yaki «....bihǝtǝr turar».
- Cross-reference ◘ 1Pad. 12:1-20
- Footnote ◼ «Yatⱪa borun bolƣan kixi ziyan tartmay ⱪalmas» — 6:1 wǝ izaⱨatni kɵrüng.
- Footnote ◼ «Yaman adǝmlǝrning alƣan ix ⱨǝⱪⱪi ularni aldar, bǝrikǝtsiz bolar» — ibraniy tilida «yaman adǝmning ix ⱨǝⱪⱪi yalƣan bolar».
- Footnote ◼ «Ⱪol tutuxup birlǝxsimu,...» — baxⱪa birhil tǝrjimisi: — «xübⱨisizki,...».
- Cross-reference ◘ Pǝnd. 16:5
- Cross-reference ◘ Zǝb. 112:9; 2Kor. 9:9
- Cross-reference ◘ Zǝb. 7:16; 9:15,16; 10:2; 57:6
- Cross-reference ◘ Zǝb. 1:3, 4; 92:12-14
- Footnote ◼ «ⱨayatliⱪ dǝrihi» — muxu yǝrdǝ «ⱨayatliⱪ dǝrihi» degǝnlik, «Erǝm baƣqisi»diki Adǝm’atimiz wǝ Ⱨawa’animizning bǝⱨrimǝn boluxiƣa tǝyyarlanƣan dǝrǝhni kɵrsitidu (3:18-ayǝtni kɵrüng). «... ⱨayatliⱪⱪa mayil ⱪilar» — ǝyni tekisttǝ «ⱨayatliⱪ» degǝn sɵz yoⱪ. Lekin ⱨǝⱪⱪaniyliⱪ yolida Hudaning mɵmin bǝndiliri adǝmlǝrning kɵnglini ɵzi üqün almaydu, bǝlki ularni Hudaning yoliƣa jǝlp ⱪilidu; xunga toluⱪ mǝnisi: «Kim dana bolsa kixilǝrning kɵnglini nijat yoliƣa baxlaydu» dǝp ⱪaraymiz. Muxu ayǝtni «Luⱪa» 5:10 bilǝn selixturƣili bolidu.
- Cross-reference ◘ Yar. 2:9, Yaⱪ. 5:19, 20
- Footnote ◼ «Ⱪaranglar, ⱨǝⱪⱪaniy adǝm ...bǝdǝl tɵligǝn yǝrdǝ, rǝzillǝr bilǝn gunaⱨkarlarning aⱪiwiti ⱪandaⱪ bolar?» — bu ayǝt Injil, «1Pet.» 4:18dǝ nǝⱪil kǝltürülidu.
- Cross-reference ◘ 1Pet. 4:17,18
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.