Muⱪeddes Kalam (yǝngi yeziⱪ)
Yǝxaya 4
Dawami
Xu küni yǝttǝ ayal bir ǝrni tutuwelip, uningdin: — «Biz ɵz nenimizni yǝymiz, ɵz kiyim-keqǝklirimizni kiyimiz; pǝⱪǝt bizni rǝswaliⱪtin halas ⱪilix üqün, bizni namingizƣa tǝwǝ ⱪilixingizni ɵtünimiz!» — dǝp yalwuridu. 1
Xu küni «Pǝrwǝrdigarning xehi» uning güzǝlliki ⱨǝm xǝripini kɵrsǝtküqi bolidu,
Zemin bǝrgǝn mewǝ bolsa,
Ⱪeqip ⱪutulƣan Israildikilǝrgǝ xɵⱨrǝt wǝ güzǝllik kǝltüridu. 2
Ⱨǝm xundaⱪ ix boliduki,
Zionda ⱪalƣanlar, Yerusalemda tohtitilƣanlar,
Yǝni Yerusalemda ⱨayat dǝp tizimlanƣanlarning ⱨǝmmisi pak-muⱪǝddǝs dǝp atilidu. 3
Xu qaƣda Rǝb adalǝt yürgüzgüqi roⱨ ⱨǝm kɵydürgüqi roⱨ bilǝn,
Zion ⱪizlirining pasiⱪliⱪini yuyup,
Yerusalemning ⱪan daƣlirini tazilaydu.
Xu qaƣda Pǝrwǝrdigar kündüzdǝ Zion teƣidiki ⱨǝrbir ɵy,
Xundaⱪla barliⱪ ibadǝt sorunlarning üstigǝ is-tütǝk wǝ bulut,
Kǝqtǝ bolsa ot yalⱪunining julasini yaritidu;
Qünki xan-xǝrǝpning üstidǝ sayiwǝn bar bolidu. 4
Xu küni, kündüzdǝ tomuz issiⱪⱪa sayǝ ⱪilidiƣan,
Hǝtǝrdin panaⱨlinidiƣan, boran-yamƣurlarƣa dalda bolidiƣan bir sayiwǝnlik kǝpǝ bolidu».
Source notes (4)
- Footnote ◼ «bizni namingizƣa tǝwǝ ⱪilixingiz» — xu dǝwrdǝ, toy ⱪilƣandin keyin, ayal erining ismi bilǝn qaⱪirilidiƣan adǝt bar idi.
- Footnote ◼ «Pǝrwǝrdigarning xehi» — qoⱪum Pǝrwǝrdigarning Ɵzidin qiⱪⱪan bir zatni kɵrsitidu. Əmdi uning kim ikǝnliki tɵwǝndǝ eniⱪlinidu. «Pǝrwǝrdigarning xehi» uning güzǝlliki ⱨǝm xǝripini kɵrsǝtküqi bolidu» — ibraniy tilida ««Pǝrwǝrdigarning xehi» güzǝllik wǝ xan-xǝrǝp üqün bolidu».
- Footnote ◼ «...Yerusalemda ⱨayat dǝp tizimlanƣanlarning ⱨǝmmisi pak-muⱪǝddǝs dǝp atilidu» — ahirⱪi zamanda Yǝⱨudiylarning «ⱪaldi»si eniⱪ kɵrünidu.
- Footnote ◼ «xan-xǝrǝpning üstidǝ sayiwǝn bar bolidu» — demǝk, Pǝrwǝrdigarning Ɵzining xan-xǝripi Yerusalemda turidu.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.