Muⱪeddes Kalam (yǝngi yeziⱪ)
Əzakiyal 9
Yǝttǝ jazani bǝja kǝltürgüqilǝr
U ⱪuliⱪimƣa küqlük bir awazda towlap: — Yeⱪin kelinglar, xǝⱨǝrgǝ mǝs’ul bolƣuqilar, ⱨǝrbiringlar ɵz ⱨalakǝt ⱪoralinglarni ⱪolunglarƣa tutunglar, — dedi.
Wǝ mana, altǝ kixining ibadǝthanining ximaliƣa ⱪaraydiƣan «Yuⱪiri dǝrwaza» tǝrǝptin keliwatⱪinini kɵrdüm. Ⱨǝrbirisi ⱪolida bitqit ⱪilƣuqi ⱪoralini tutⱪan; ularning otturisida yeniƣa pütükqining siyaⱨdeni esiⱪliⱪ turƣan, kanap kiyimlǝrni kiygǝn birsi bar idi; wǝ ular ibadǝthaniƣa kirip, mis ⱪurbangaⱨning yenida turdi. 1 Xu qaƣda Israilning Hudasining xan-xǝripi ǝsli turƣan kerubtin kɵtürülüp ɵyning bosuƣisida turdi. Pǝrwǝrdigar yeniƣa pütükqining siyaⱨdeni esiⱪliⱪ turƣan, kanap kiyimlǝrni kiygǝn kixini qaⱪirip uningƣa: — 2
Xǝⱨǝrning otturisidin, yǝni Yerusalemning otturisidin ɵtüp, xǝⱨǝr iqidǝ ɵtküzülgǝn barliⱪ yirginqlik ixlar tüpǝylidin aⱨ-nadamǝt qǝkkǝn kixilǝrning pexanlirigǝ bir bǝlgǝ salƣin, — dedi. 3
Wǝ manga anglitip baxⱪa kixilǝrgǝ: — Bu kixining kǝynidin xǝⱨǝrni kezip, adǝmlǝrni ⱪiringlar; kɵzünglar rǝⱨim ⱪilmisun, ularƣa iqinglarni aƣritmanglar! Birnimu ⱪoymay ⱨǝmmini — ⱪerilar, yax yigit-ⱪizlar, bowaⱪ-balilar wǝ ayallarni ⱪoymay ɵltürüwetinglar; pǝⱪǝt bǝlgǝ ⱪoyulƣan kixilǝrgǝ yeⱪinlaxmanglar; bu ixni ɵz muⱪǝddǝs jayimdin baxlanglar, — dedi.
Xunga ular Hudaning ɵyi aldida turƣan ⱨeliⱪi aⱪsaⱪallardin baxliƣan. Wǝ U ularƣa: — Ɵyni bulƣanglar, ⱨoylilirini ɵltürülgǝnlǝr bilǝn toldurunglar; ǝmdi beringlar! — dedi. Xuning bilǝn ular qiⱪip xǝⱨǝr boyiqǝ adǝmlǝrni ⱪirixⱪa baxlidi.
Wǝ xundaⱪ boldiki, ular adǝmlǝrni ⱪirƣinida, mǝn yalƣuz ⱪaldim; ɵzümni yǝrgǝ düm taxlidim wǝ: — Aⱨ, Rǝb Pǝrwǝrdigar! Sǝn Yerusalemƣa ⱪaritilƣan ⱪǝⱨringni tɵkkǝndǝ Israilning barliⱪ ⱪaldisini ⱨalak ⱪilamsǝn? — dedim. 4
Wǝ U manga: — Israil wǝ Yǝⱨuda jǝmǝtining ⱪǝbiⱨliki intayin rǝzil; qünki ular: «Pǝrwǝrdigar zeminni taxlap kǝtti; Pǝrwǝrdigar bizni kɵrmǝydu» — dǝydu. «Mǝn bolsam, Mening kɵzüm ularƣa rǝⱨim ⱪilmaydu, iqimnimu ularƣa aƣritmaymǝn; Mǝn ularning yolini ɵz bexiƣa qüxürimǝn, — dedi. 5
Wǝ mana, yeniƣa pütükqining siyaⱨdenini asⱪan, kanap kiyimlǝrni kiygǝn kixi ⱪilƣan ixni mǝlum ⱪilip: «Manga Sǝn buyruƣan ixni orundidim» — dedi.
Source notes (5)
- Footnote ◼ «ⱨǝrbirisi ⱪolida bitqit ⱪilƣuqi ⱪoralini tutⱪan...» — yaki «ⱨǝrbirisi ⱪolida jǝng toⱪmiⱪini tutⱪan...».
- Footnote ◼ «Israilning Hudasining xan-xǝripi ǝsli turƣan kerubtin kɵtürülüp ɵyning bosuƣisida turdi» — «tɵt mǝhluⱪ» bolsa «kerub»lardin ibarǝttur (10-babni kɵrüng). Biraⱪ muxu yǝrdǝ eytilƣan «kerublar» bǝlkim muⱪǝddǝs ibadǝthanidiki «ǝng muⱪǝddǝs jay»da ⱪoyulƣan ikki «altun kerub» xǝklini kɵrsitidu. Hudaning yoruⱪluⱪ xan-xǝripi xu yǝrdǝ («ǝng muⱪǝddǝs jay»da, ⱪelin bir pǝrdǝ kǝynidǝ) Sulayman ibadǝthanini ⱪurƣandin beri turup kǝlgǝnidi. Ⱨazir Əzakiyal kɵriduki, u ⱨǝm ibadǝthanidin ⱨǝm Israilning ɵzidin ayrilip ketidu.
- Footnote ◼ «... aⱨ-nadamǝt qǝkkǝn kixilǝrning pexanlirigǝ bir bǝlgǝ salƣin» — bu «bǝlgǝ» (ibraniy tilida «taw» degǝn ⱨǝrp) ⱪǝdimki zamanlarda krest yaki qapras (+) xǝklidǝ idi.
- Footnote ◼ «Sǝn Yerusalemƣa ⱪaritilƣan ⱪǝⱨringni tɵkkǝndǝ Israilning barliⱪ ⱪaldisini ⱨalak ⱪilamsǝn?» — adǝttǝ «Israilning ⱪaldisi» degǝn ibarǝ pütün hǝlⱪ arisida, Hudaƣa sadiⱪ bolƣan Yǝⱨudiylarni kɵrsitidu. Biraⱪ Əzakiyal muxu yǝrdǝ (Hudaning 9-10-ayǝttǝ bolƣan jawabiƣa ⱪariƣanda) bǝlkim Yǝⱨudani kɵrsitidu; «ximaliy padixaⱨliⱪ», yǝnǝ Israilning on ikki ⱪǝbilisidin oni Asuriyǝ imperiyǝsi tǝripidin baldur munⱪǝriz ⱪilinip sürgün boldi, pǝⱪǝt ikki ⱪǝbilǝ, yǝni «Yǝⱨuda wǝ Binyamin» (jǝnubiy padixaⱨliⱪ) ⱪaldi.
- Cross-reference ◘ Əz. 5:11; 7:4; 8:18
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.