Muqeddes Kalam (latin yéziq)
Zebur 96
96-küy •••• Alem Igisi kélidu!
Perwerdigargha atap yéngi naxsha éytinglar!
Pütkül yer-zémin, Perwerdigarni küylenglar! 1
Perwerdigargha naxsha éytinglar, namigha teshekkür-medhiye qayturunglar,
Nijatliqini her küni élan qilinglar!
Uning shan-shöhritini eller arisida,
Uning möjizilirini barliq qowmlar arisida jakarlanglar!
Chünki Perwerdigar ulugh, zor medhiyelerge layiqtur!
U barliq ilahlardin üstün, Uningdin qorqush kérektur; 2
Chünki xelqlerning barliq ilahliri — Butlar xalas,
Biraq Perwerdigar asman-pelekni yaratqandur. 3
Shanu-shewket we heywet Uning aldida,
Muqeddes jayida qudret we güzellik körünidu.
Perwerdigargha teelluqini bergeysiler, i el-qebililer,
Perwerdigargha shan-shöhret we qudretni bergeysiler! 4
Perwerdigargha Öz namigha layiq shan-shöhretni bergeysiler;
Sowgha-salam élip hoylilirigha kiringlar!
Perwerdigargha pak-muqeddeslikning güzellikide sejde qilinglar;
Pütkül yer-zémin, Uning aldida titrenglar! 5 6
Eller arisida élan qilinglar: —
«Perwerdigar höküm süridu!
Shunga mana, dunya mezmut qilin’ghan, u tewrenmes esla.
U adilliq bilen xelqler üstige höküm chiqiridu.
Asmanlar shadlansun, yer-jahan xush bolsun,
Déngiz-okyan we uninggha tolghan hemme chuqan sélip jush ursun!
13 Dalalar hem ulardiki hemme yayrisun!
U chaghda ormandiki pütkül derexler Perwerdigar aldida yangritip naxsha éytidu;
Chünki mana, U kélidu!
U jahanni soraq qilishqa kélidu;
U alemni adilliq bilen,
Xelqlerni Öz heqiqet-sadaqitide soraq qilidu. 7
Source notes (7)
- Cross-reference ◘ 1Tar. 16:23-33
- Footnote ◼ «Uningdin qorqush kérektur» — yaki «U dehshetlik-qorqunchluqtur».
- Footnote ◼ «... xelqlerning barliq ilahliri — butlar xalas» — «butlar» ibraniy tilida «erzimesler».
- Footnote ◼ «Perwerdigargha shan-shöhret we qudretni bergeysiler!» — mushu sözler belkim shuni bildüriduki, Xudagha Özige layiq shan-sherep keltürsek, bu qilghinimiz uninggha biz arqiliq Öz küch-qudritini téximu körsitish imkaniyitini yaritidu.
- Footnote ◼ «... pak-muqeddeslikning güzellikide sejde qilinglar» — yaki «... pak-muqeddes éginlerni kiyip sejde qilinglar».
- Cross-reference ◘ Zeb. 29:2
- Cross-reference ◘ Zeb. 98:7-8; Weh. 19:11
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.