Muqeddes Kalam (latin yéziq)
Zebur 67
67-küy •••• Dunya üchün nijatliq bardur!
Neghmichilerning béshigha tapshurulup, tarliq sazlar bilen chélinsun, dep yézilghan küy-naxsha: —
Xuda bizge méhir-shepqet körsitip, bizni beriketlep,
Öz jamalining nurini üstimizge chachqay!
Shundaq qilghanda yolung pütkül jahanda,
Qutuldurush-nijatliqing barliq eller arisida ayan bolidu.
Barliq qowmlar Séni medhiyiligey, i Xuda;
Barliq qowmlar Séni medhiyiligey!
Jimi taipiler xushalliq bilen tentene qilip küyligey,
Chünki Sen xelqlerge adilliq bilen höküm chiqirisen,
Yer yüzidiki taipilerni, Sen yétekleysen;
Sélah.
Barliq qowmlar Séni medhiyiligey, i Xuda;
Barliq qowmlar Séni medhiyiligey!
We yer-zémin köklirini ündüridu;
Xuda, bizning Xudayimiz, bizni beriketleydu;
Xuda bizni beriketleydu;
Shuning bilen yer yüzidikiler chet-yaqilarghiche Uningdin eyminishidu!
Source notes (2)
- Footnote ◼ «Öz jamalining nurini üstimizge chachqay!» — ibraniy tilida «Öz jamalining nurini bizdinmu chachqay!»
- Cross-reference ◘ Chöl. 6:25; Zeb. 4:6
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.