Muqeddes Kalam (latin yéziq)

Zebur 43

43-küy •••• Sergerdanning duasi •••• 1-ayettiki izahatni körüng

I Perwerdigar, men toghruluq höküm chiqarghaysen,

Dewayimni eqidisiz bir xelq aldida sorighaysen;

Méni hiyliger hem qebih ademdin qutuldurghaysen. 1

Chünki Sen panahgahim bolghan Xudadursen;

Némishqa méni tashlawetkensen?

Némishqa düshmenning zulumigha uchrap,

Hemishe azab chékip yürüwatimen?» — deymen. 2

Öz heqiqiting we nurungni ewetkin,

Ular méni yétekligey!

Méni muqeddes téghinggha,

Makaninggha élip kelgey! 3

Shuning bilen men Xudaning qurban’gahi aldigha baray,

Yeni méning cheksiz xushluqum bolghan Tengrining yénigha baray;

Berheq, chiltar chélip Séni medhiyileymen, i Xuda, méning Xudayim!

I jénim, sen némishqa bundaq qayghurisen?

Némishqa ichimde bundaq biaram bolup kétisen?

Xudagha ümid baghla!

Chünki men Uni yenila medhiyileymen,

Yeni chirayimgha salametlik, nijatliq ata qilghuchi Xudayimni medhiyileymen! 4 5

Source notes (5)

Footnote ◼ «Izahat» — köp alimlar 42- hem 43-küy eslide bir küy idi, dep qaraydu.
Cross-reference ◘ Zeb. 35:11-17; 38:6; 42:10
Footnote ◼ «Makaninggha élip kelgey!» — ibraniy tilida «Makanliringgha élip kelgey!».
Footnote ◼ «Chünki men Uni yenila medhiyileymen, yeni chirayimgha salametlik, nijatliq ata qilghuchi Xudayimni medhiyileymen!» — bashqa birxil terjimisi: «Chünki Uning jamalidin chiqqan nijatliq bilen, men Uni yenila ulughlaymen, méning Xudayim!».
Cross-reference ◘ Zeb. 42:5,11

Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.