Muqeddes Kalam (latin yéziq)
Zebur 29
29-küy •••• Perwerdigarning heywisi
Dawut yazghan küy: —
Perwerdigargha bergeysiler, i Qudretlik Bolghuchining perzentliri,
Perwerdigargha shanu-shewket, küch bergeysiler! 1 2
Perwerdigargha Öz namigha layiq shanu-shewket bergeysiler;
Perwerdigargha pak-muqeddeslikning güzellikide sejde qilinglar!
Perwerdigarning sadasi chongqur sular üstige höküm süridu;
Shan-sherep igisi bolghan Tengri güldürmamilarni yangritidu;
Perwerdigar büyük déngizlar üstige höküm süridu. 3
Perwerdigarning sadasi küchlüktur;
Perwerdigarning sadasi heywetke tolghandur;
Perwerdigarning sadasi kédir derexlirini sunduruwétidu;
Berheq, Perwerdigar Liwandiki kédirlarni sunduruwétidu.
U ularni mozay oynaqlawatqandek oynaqlitidu;
Yawa kalining balisi oynaqlawatqandek, U Liwan we Sirion téghini oynaqlitidu. 4
Perwerdigarning sadasi chaqmaqlarning yalqunlirini shaxlitiwétidu; 5
Perwerdigarning sadasi chöl-jezirini zilzilige salidu;
Perwerdigar Qedeshtiki chöl-jezirini zilzilige salidu; 6
Perwerdigarning sadasi dub derexlirini heryan tolghitidu,
Ormanliqlarni yalingachlaydu;
Uning ibadetxanisida bolghan hemmisi «shanu-shewket!» dep tentene qilidu. 7
Perwerdigar topan üstige hökümranliq qilip olturidu;
Berheq, Perwerdigar menggüge padishah bolup höküm sürüp olturidu. 8
Perwerdigar Öz xelqige qudretni bexsh étidu;
Öz xelqini aman-xatirjemlik bilen beriketleydu.
Source notes (8)
- Footnote ◼ «Perwerdigargha bergeysiler,... Perwerdigargha shanu-shewket, küch bergeysiler!» — bu sirliq sözning menisi néme? Menisi choqum shuki, Xudaning xelqi uninggha ishinip tayan’ghachqa, shundaqla medhiye oqughachqa, Xuda ularning hayatida Öz küch-qudritini (shundaqla Öz shan-sheripini) körsitishige sharait béridu.
- Cross-reference ◘ Zeb. 96:7, 8
- Cross-reference ◘ Mis. 9:23
- Footnote ◼ «Sirion téghi» — Liwanning eng égiz tagh choqqisi, yene bir nami «Hermon».
- Footnote ◼ «Perwerdigarning sadasi chaqmaqlarning yalqunlirini shaxlitiwétidu» — bashqa birxil terjimisi «Perwerdigarning sadasi ot yalqunlirini yirtiwétidu». Biraq aldi-keynidiki sözlerge qarighanda, chaqmaqlarni körsitishi mumkin.
- Footnote ◼ «Perwerdigar Qedeshtiki chöl-jezirini zilzilige salidu» — «Liwan taghliri» (6-ayet) — Qanaan (Pelestin)ning shimal teripi, «Qedeshtiki chöl-jezire» uning jenubiy teripi.
- Footnote ◼ «Perwerdigarning sadasi dub derexlirini heryan tolghitidu» — bashqa birxil terjimisi «Perwerdigarning sadasi marallargha oghlaqlarni tughdurghuzidu».
- Footnote ◼ «Perwerdigar topan üstige hökümranliq qilip olturidu» — «topan» belkim Nuh peyghember dewridiki topanni körsitidu, bu yerde köchme menide bolup, dunyadiki qalaymiqanchiliqnimu körsitidu.
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.