Muqeddes Kalam (latin yéziq)
Zebur 26
26-küy •••• Barliq rezilliktin yiraqlishishqa intilish
Dawut yazghan küy: —
Men üchün höküm chiqarghaysen, i Perwerdigar;
Chünki men öz durusluqumda turup mangdim;
Men Perwerdigargha tayinip kelgenmen;
Méni sinap baqqaysen, i Perwerdigar, méni tekshürüp baqqin;
Wijdanimni, qelbimni tawlighaysen; 3
Chünki özgermes muhebbitingni köz aldimda tutqanmen;
Men heqiqitingni özümge yétekchi qilip mangdimmen.
Men yalghanchilar bilen hemdastixan olturmidim;
Saxtipezlerge hemrah bolushqa kirmeymen. 4
Yamanliq qilghuchilar jamaitidin yirginimen;
Reziller bilenmu olturmaymen.
Qollirimni gunahsizliqta yuyimen;
Shunda, qurban’gahingni aylinip yüreleymen.
We hem teshekkürlerni anglitimen;
Barliq karametliringni jakarlaymen.
I Perwerdigar, makaning bolghan öyni,
Shan-sheriping turghan jayni söyüp keldim;
Jénimni gunahkarlar bilen,
Hayatimni qanxorlar bilen bille élip ketmigeysen;
Ularning qolida suyiqestler bardur,
Ong qoli parilargha toldi.
Men bolsam, durusluqumda méngip yürüwérimen;
Méni hörlükke chiqirip qutquzghaysen,
Manga méhir-shepqet körsetkeysen. 5
Putum bolsa tüptüz jayda turidu;
Jamaetler arisida turup Perwerdigargha teshekkür-medhiyiler qayturimen.
Source notes (5)
- Footnote ◼ «Men Perwerdigargha tayinip kelgenmen; men téyilip ketmeymen» — yene birxil terjimisi «Men héch tewrenmes Perwerdigargha tayinip keldim».
- Cross-reference ◘ Zeb. 7:8
- Footnote ◼ «wijdanim» — yaki «niyetlirim». Bu söz ibraniy tilida «börekler» dégen bilen ipadilinidu.
- Cross-reference ◘ Ayup 31:5; Zeb. 1:1
- Footnote ◼ «Méni hörlükke chiqirip qutquzghaysen» — mushu «hörlükke chiqirish» gunahning asaritidin qutquzushni körsitidu.
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.