Muqeddes Kalam (latin yéziq)
Zebur 24
24-küy •••• Perwerdigarning ghelibisi
Dawut yazghan küy: —
Perwerdigargha mensüptur, jahan we uninggha tolghan hemme mewjudatlar;
Uninggha teelluqtur yer yüzi we uningda turuwatqanlarmu; 1
Chünki jahanning ulini chongqur déngizlar üstige orunlashturup,
Yerni sular üstige ornatqan Udur.
Perwerdigarning téghigha kim chiqalaydu?
Uning muqeddes jayigha kim kirip turalaydu? 2
— Qolliri gunahtin pakiz, dili sap,
Quruq nersilerge telmürüp qarimighan,
Yalghan qesem qilmighan kishi kireleydu. 3
Bundaq kishi bolsa Perwerdigardin bextni,
Öz nijatliqi bolghuchi Xudadin heqqaniyliqni tapshuruwalidu we uni kötürüp yüridu; 4
Bu dewr Uni izdigüchi dewrdur,
Yeni Séning didaringni izdigüchiler, i Yaqupning Xudasi!
Sélah! 5
I qowuqlar, béshinglarni kötürünglar!
Keng échilinglar!
I menggülük ishikler, kötürülünglar!
Shuning bilen shan-sherep igisi Padishah kiridu! 6
Shan-sherep igisi Padishah dégen kim?
U Perwerdigardur, u küchlük we qudretliktur!
Perwerdigar, jeng meydanida qudretliktur! 7
I qowuqlar, béshinglarni kötürünglar!
Keng échilinglar!
I menggülük ishikler, béshinglarni kötürünglar!
Shuning bilen shan-sherep igisi Padishah kiridu!
Shan-sherep igisi Padishah dégen kim?
Samawiy qoshunlarning Serdari bolghan Perwerdigar bolsa, shan-sherep igisi Padishahtur!
Sélah! 8
Source notes (8)
- Cross-reference ◘ Mis. 19:5; Qan. 10:14; Ayup 41:3; Zeb. 50:12; Mat. 21:2-3; 1Kor. 10:26,28
- Cross-reference ◘ Zeb. 15:1; Yesh. 33:14,15
- Footnote ◼ «Quruq nersilerge telmürüp qarimighan» — «quruq nersiler» butlarni körsitidu.
- Footnote ◼ «... tapshuruwalidu we uni kötüridu» — bu ikki péil ibraniy tilida birla péil bilen ipadilinidu.
- Footnote ◼ «...Yeni Séning didaringni izdigüchiler, i Yaqupning Xudasi!» — sözmusöz ibraniy tilida: «Yeni Séning didaringni izdigüchiler, i Yaqup!». Bu terjimisi toghra bolsa, «Yaqup» mushu yerdǝ Mesihni körsitidu. Yene birxil terjimisi «Yeni Séning didaringni izdigüchiler bolghan Yaquptin ibarettur».
- Footnote ◼ «I qowuqlar, béshinglarni kötürünglar! Keng échilinglar! I menggülük ishikler, kötürülünglar!» — qedimki zamanlarda qowuqlar échilghanda yuqiridin kötürületti.
- Cross-reference ◘ Mat. 21:10
- Cross-reference ◘ Mat. 21:10
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.