Muqeddes Kalam (latin yéziq)
Zebur 149
149-küy •••• Qiyamet künidiki ghelibe üchün medhiyilenglar!
Hemdusana!
Perwerdigargha atap yéngi bir naxshini oqunglar;
Mömin bendilerning jamaitide Uning medhiyisini éytinglar!
Israil öz Yaratquchisidin shadlanghay;
Zion oghulliri öz Padishahidin xush bolghay! 1
Ular Uning namini ussul bilen medhiyiligey;
Uninggha küylerni dap hem chiltargha tengshep éytkay! 2
Chünki Perwerdigar Öz xelqidin söyüner;
U yawash möminlerni nijatliq bilen bézeydu;
Uning mömin bendiliri shan-sherepte rohlinip shad bolghay,
Orunlirida yétip shad awazini yangratqay! 3
Aghzida Tengrige yüksek medhiyiliri bolghay,
Qollirida qosh bisliq qilich tutulghay; 4
Shuning bilen ular eller üstidin qisas,
Xelqlerge jaza beja yürgüzidu;
Ellerning padishahlirini zenjirler bilen,
Aqsöngeklirini tömür kishenliri bilen baghlaydu; 5
Ularning üstige pütülgen hökümni beja keltüridu —
Uning barliq mömin bendiliri mushu sherepke nésip bolidu!
Hemdusana! 6
Source notes (6)
- Cross-reference ◘ Zeb. 100:3
- Cross-reference ◘ Zeb. 81:2-4
- Footnote ◼ «Orunlirida yétip shad awazini yangratqay!» — «orunlirida yétish» belkim: — (1) Yehudiylarning örp-adetliri boyiche, ziyapetlerde méhmanlar üchün körpiler sélinip, méhmanlar yénichilap yétip dastixandin alidu; shunga mushu yerde xushalliq ziyapetlerni körsitidu; (2) mömin bendiler shunche xushal bolup, xushalliqidin uxliyalmaydu; (3) özlirining aman-ésen yétip-qopushliri üchün shadlinishi kérek.
- Cross-reference ◘ 2Tés. 2:8; Ibr. 4:12; Weh. 1:16
- Cross-reference ◘ Mat. 18:18
- Cross-reference ◘ Qan. 4:6
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.