Muqeddes Kalam (latin yéziq)
Zebur 14
14-küy •••• Qarangghu dunya
Neghmichilerning béshigha tapshurulup oqulsun dep, Dawut yazghan küy: —
Exmeq kishi könglide: «Héchbir Xuda yoq» — deydu.
Ular chirikliship,
Yirginchlik qebihlikni qilishti;
Ularning ichide méhribanliq qilghuchi yoqtur; 1
Perwerdigar ershte turup, adem balilirini közitip:
«Bu insanlarning arisida insapni chüshinidighan birersi barmidu?
Xudani izdeydighanlar barmidu?
Hemme adem yoldin chiqti,
Hemme adem chirikliship ketti,
Méhribanliq qilghuchi yoq, hetta birimu yoqtur.
Nanni yégendek Méning xelqimni yutuwalghan bu qebihlik qilghuchilar héchnémini bilmemdu?» — deydu.
Ular Perwerdigargha héchbir iltija qilmaydu.
Mana ularni ghayet zor qorqunch basti;
Chünki Xuda heqqaniylarning dewrididur.
«Siler ézilgenlerning könglige pükken ümidini yoq qilmaqchi bolisiler;
Biraq Perwerdigar uning bashpanahidur!» 2
Ah, Israilning nijatliqi Ziondin chiqip kelgen bolsa idi!
Perwerdigar Öz xelqini asarettin chiqirip,
Azadliqqa érishtürgen chaghda,
Yaqup shadlinidu,
Israil xushallinidu! 3
Source notes (3)
- Cross-reference ◘ Zeb. 10:4; 53:1-3; Rim. 3:10
- Footnote ◼ «Biraq Perwerdigar uning bashpanahidur!» — yaki «Chünki Perwerdigar uning bashpanahidur!». Bizningche «biraq» toghra kélidu — démek, Xuda Öz xelqining bozek qilin’ghinigha qarap, ularni qoghlashqa heriket qilidu. Bashqa birxil terjimisi: «Gerche Perwerdigar uning bashpanahi bolsa!»
- Footnote ◼ «Israil xushallinidu!» — «Israil» toghruluq — oqurmenler Tewrattiki «Yaritilish» dégen qisimni oqughan bolsa, éside boliduki, Xuda hezriti Yaqupning ismini «Israil»gha özgertken. Yehudiy xelqi (Israillar) Yaqupning ewladliridin ibaret. Shunga Tewrattiki bashqa yerlerde yaki Zeburda «Yaqup» yaki «Israil» adette Yehudiylar, yeni Israil xelqini körsitidu. Eger tékist hezriti Yaqup (Israil)ning özini körsetken bolsa, izahat bérimiz.
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.