Zebur 130

130-küy •••• Azabliq peryad

1«Yuqirigha chiqish naxshisi»

Chongqur yerlerdin Sanga peryad kötürimen, i Perwerdigar;

2I Reb, awazimni anglighaysen;

Qulaqliringni yélinish sadayimgha salghaysen;

3Eger Sen Yah, qebihliklerni sürüshtürüp sanisang,

Emdi Reb, kim tik turalaydu? 1

4Biraq Sende meghpiret-kechürüm bardur;

Shunga Sendin eyminishke bolidu. 2

5Perwerdigarni kütüwatimen;

Jénim kütüwatidu;

Uning sözige ümid baghlidim. 3

6Tün jésekchilirining seherge bolghan teshnasidin artuq,

Berheq, tün jésekchilirining seherge bolghan teshnasidin artuq,

Jénim Rebge teshna bolup kütmekte. 4

7I Israil, Perwerdigargha ümid baghlanglar;

Chünki Perwerdigarda özgermes muhebbet bardur;

Uningda zor nijatliqlarmu bar;

8U Israilni barliq qebihlikliridin bedel tölep qutquzidu.