Muqeddes Kalam (latin yéziq)
Zebur 128
128-küy •••• Xudadin eyminidighan kishining bextliki
«Yuqirigha chiqish naxshisi»
Perwerdigardin qorqidighanlar,
Uning yollirida mangidighanlarning herbiri bextliktur!
Chünki sen öz qolungning ejrini yeysen;
Bextlik bolisen, ronaq tapisen;
Ayaling bolsa öyüng ichide méwilik üzüm télidek bolidu;
Baliliring dastixaningni chöridep, zeytun derexliridek tizilip olturidu;
Mana, Perwerdigardin qorqidighan kishi shundaq bextni köridu.
Perwerdigar sanga Zion téghidin bext ata qilghay;
Sen ömrüng boyiche Yérusalémning awatliqini körgeysen;
Perzentliringning perzentlirini körgeysen;
Israilgha aram-tinchliq bolghay!
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.