Muqeddes Kalam (latin yéziq)
Zebur 125
125-küy •••• Xudaning zor himayisi
«Yuqirigha chiqish naxshisi»
Perwerdigargha tayan’ghanlar Zion téghidektur;
Uni tewretkili bolmaydu,
U menggülük turidu.
Yérusalém! Taghlar uning etrapini orughan,
Hem Perwerdigar hazirdin ta ebedgiche Öz xelqining etrapini oraydu.
Chünki rezillerning hoquq hasisi heqqaniylarning nésiwisining üstide turup qalmas;
Bolmisa heqqaniylarmu qollirini qebihlikke uzartishi mumkin.
Perwerdigar, méhribanlargha méhribanliq qilghaysen;
Köngli duruslarghimu shundaq bolsun.
Biraq egri yollargha burulup ketkenlerni bolsa,
Perwerdigar ularni qebihlik qilghuchilar bilen teng shallaydu.
Israilgha aman-xatirjemlik bolghay!
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.