Muqeddes Kalam (latin yéziq)
Zebur 114
114-küy •••• Xudaning Israil xelqining Misirdin chiqishida ulargha namayan qilghan ulughluqi
Israil Misirdin,
Yaqup jemeti yat tilliq ellerdin chiqqanda, 1
Shu chaghda Yehuda Xudaning muqeddes jayi,
Israil uning seltiniti boldi,
Déngiz buni körüp beder qachti,
Iordan deryasi keynige yandi;
Taghlar qochqarlardek,
Döngler qozilardek oynaqlidi.
Ey déngiz, sen néme boldung, qachqili?
Iordan deryasi, yolungdin yan’ghili?
Taghlar qochqarlardek,
Döngler qozilardek oynaqlighili?
I yer yüzi, Rebning jamalidin,
Yaqupning Xudasining jamalidin tewren;
U qoram tashni kölchekke,
Chaqmaq téshini mol bulaq sulirigha aylanduridu. 2 3
Source notes (3)
- Cross-reference ◘ Mis. 13:3
- Footnote ◼ «U qoram tashni kölchekke, chaqmaq téshini mol bulaq sulirigha aylanduridu» — «chaqmaq téshi» tashlar ichide eng qattiq tash hésablinidu. «Qan.» 8:15ni körüng.
- Cross-reference ◘ Mis. 17:6; Chöl. 20:11
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.