Muqeddes Kalam (latin yéziq)

Pend-nesihetler 19

Peziletlik yolda mangghan kembeghel,

Hiyliger sözlük exmeqtin yaxshidur. 1

Yene, gheyriti bar kishi bilimsiz bolsa bolmas;

Aldirangghu yoldin chiqar. 2

Kishining exmeqliqi öz yolini astin-üstin qiliwéter;

Shundaq turuqluq u könglide Perwerdigardin renjip aghrinar. 3

Bayliq dostni köp qilar;

Miskinler bar dostidinmu ayrilip qalar. 4

Yalghan guwahliq qilghan jazalanmay qalmas;

Yalghan éytquchimu jazadin qutulalmas. 5 6

Tola adem séxiydin iltipat közler;

Sowghat bérip turghuchigha hemme kishi dosttur. 7

Namratlashqandin qérindashlirimu zériker;

Uning dostliri téximu yiraq qachar;

Yalwurup qoghlisimu, ular tépilmas. 8

Pem-parasetke érishküchi özige köyüner;

Nurni saqlighan kishining bexti bolar.

Yalghan guwahliq qilghan jazalanmay qalmas;

Yalghan éytquchimu halak bolar. 9

Heshemetlik turmush exmeqqe yarashmas;

Qulning emeldarlar üstidin höküm sürüshi téximu qamlashmas. 10

Danishmenlik igisini asanliqche achchiqlanmaydighan qilar;

Xataliqni yoputup kechürüsh uning shöhritidur.

Padishahning ghezipi shirning huwlishigha oxshash dehshetlik bolar;

Uning shepqiti yumran ot-chöpke chüshken shebnemdek shérindur. 11

Exmeq oghul atisi üchün bala-qazadur;

Urushqaq xotunning zarlashliri toxtimay témip chüshken tamche-tamche yéghin’gha oxshashtur. 12

Öy bilen mal-mülük ata-bowilardin mirastur;

Biraq pem-parasetlik xotun Perwerdigarning iltipatidindur. 13

Hurunluq kishini gheplet uyqugha gherq qilar;

Bikar telep acharchiliqning derdini tartar. 14

Perwerdigarning emrige emel qilghan kishi öz jénini saqlar;

Öz yolliridin hézi bolmighan kishi öler. 15 16

Kembeghellerge rehimdilliq qilghan,

Perwerdigargha qerz bergen bilen barawerdur;

Uning shepqitini Perwerdigar qayturar.

Perzentingning terbiyini qobul qilishigha ümidwar bolup,

Uni jazalap terbiye bérip turghin;

Lékin uni ölgüche xar bolsun dégüchi bolma. 17 18

Qehrlik kishi jaza tartar;

Uni qutquzmaqchi bolsang, qayta-qayta qutquzushung kérek.

Nesihetni anglighin, terbiyeni qobul qilghin,

Undaq qilghanda kéyinki künliringde dana bolisen.

Kishining könglide nurghun niyetler bar;

Axirida peqet Perwerdigarning dalalet-hidayitidin chiqqan ish aqar. 19

Kishining yéqimliqi uning méhir-muhebbitidindur;

Miskin bolush yalghanchiliqtin yaxshidur.

Perwerdigardin eyminish kishini hayatqa érishtürer;

U kishi xatirjem, toq yashap, bala-qaza chüshürülüshidin xaliy bolar. 20

Hurun qolini sunup qachigha tiqqini bilen,

Ghizani aghzigha sélishqimu hurunluq qilar. 21

Hakawurgha qilin’ghan tayaq jazasi saddigha qilin’ghan ibrettur;

Yorutulghan kishige bérilgen tenbih,

Uning bilimini téximu ziyade qilar. 22

Atisining mélini bulighan,

Anisini öyidin heydep chiqarghan,

Reswaliq, iza-ahanet qaldurghuchi oghuldur.

I oghul, nesihetke quliqingni yopuruwalsang,

Eqilning telimliridin yiraqlashqiningdur. 23

Peskesh guwahchi adaletni mazaq qilghuchidur;

Yaman ademning aghzi rezillikni yutar. 24

Hakawurlar üchün jazalar teyyardur,

Exmeqlerning dümbisige uridighan qamcha teyyardur. 25

Source notes (25)

Cross-reference ◘ Pend. 28:6
Footnote ◼ «bolmas» — ibraniy tilida «yaxshi emes». «Aldirangghu yoldin chiqar» — ibraniy tilida «Ayaghlirini aldiratquchi kishi xata qedem basar».
Cross-reference ◘ Yaq. 1:13,14,15
Cross-reference ◘ Pend. 14:20
Footnote ◼ «Yalghan éytquchi...» — ibraniy tilida «Yalghan (söz) püwligüchi....»
Cross-reference ◘ Qan. 19:19; Pend. 21:28
Footnote ◼ «Tola adem séxiydin iltipat közler...» — yaki «Tola adem emirdin iltipat közler...».
Cross-reference ◘ Pend. 14:20
Footnote ◼ «Yalghan éytquchi...» — ibraniy tilida «Yalghan (söz) püwligüchi...».
Cross-reference ◘ Pend. 30:22
Cross-reference ◘ Pend. 16:14,15; 20:2
Cross-reference ◘ Pend. 10:1; 15:20; 17:25; 21:19; 27:15
Cross-reference ◘ Pend. 18:22
Cross-reference ◘ Pend. 6:9; 10:4; 20:13
Footnote ◼ «Öz yolliridin hézi bolmighan kishi öler» — yaki «Uning (démek, Perwerdigarning) yollirini kemsitken kishi öler».
Cross-reference ◘ Pend. 3:21,22; Luqa 11:28
Footnote ◼ «Lékin uni ölgüche xar bolsun dégüchi bolma» — bashqa birxil terjimisi: «....biraq uning yigha-zarlirigha qulaq salma».
Cross-reference ◘ Pend. 13:24; 23:13; Ef. 6:4
Cross-reference ◘ Ayup 23:13; Zeb. 33:11; 115:3; Yesh. 46:10
Cross-reference ◘ Zeb. 34:9-10
Cross-reference ◘ Pend. 26:15
Cross-reference ◘ Pend. 21:11
Footnote ◼ «I oghul, ... eqilning telimliridin yiraqlashqiningdur» — bashqa birxil terjimisi: «I oghlum, eqilning telimliridin yiraqlashturidighan sözlerni anglashtin özüngni tart!».
Footnote ◼ «Peskesh guwahchi» — ibraniy tilida: «Bélialning (Iblisning) guwahchisi».
Footnote ◼ «Hakawurlar» — yaki «Mesxire qilghuchilar».

Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.