Muqeddes Kalam (latin yéziq)
Yeshaya 12
Israilning axirqi zamandiki bir naxshisi
— We shu küni sen: —
— I Perwerdigar, men Séni medhiyileymen;
Sen manga ghezeplen’gining bilen,
Gheziping mendin yötkilip ketti,
We sen manga teselli berding.
Mana, Tengri méning nijatimdur;
Men Uninggha tayinimen, qorqmaymen,
Yah Perwerdigar méning küchüm we naxshamdur;
U yene méning nijatim boldi, — deysen. 1
— Shadliq bilen siler nijatliq quduqliridin su tartisiler. 2
Shu künide siler: —
«Perwerdigargha rehmet éytinglar,
Uning namini chaqirip nida qilinglar;
Uning emellirini xelqler arisida ayan qilinglar,
Uning namining zor abruy tapqanliqini jakarlanglar. 3
Perwerdigargha küyler éytinglar,
Chünki U ulugh ishlarni qilghan;
Mana bu pütkül jahan’gha ayan qilinsun!
Ziondikiler, tentene qilip jar sélinglar;
Chünki aranglarda turghan Israildiki Muqeddes Bolghuchi büyüktur!» — deysiler.
Source notes (3)
- Footnote ◼ «Yah Perwerdigar méning küchüm we naxshamdur...» — muqeddes kitabning mushu terjimiside biz Xudaning «Yahweh» yaki «Jexowah» dégen namini adette «Perwerdigar» dep terjime qilduq. «Yah» bolsa «Yahweh» dégen bu namining qisqartilghan sheklidur.
- Cross-reference ◘ Yuh. 7:37,38
- Cross-reference ◘ Yuh. 17:1,4,6,26
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.