Муқеддес Калам (кирил йезиқ)

Зәбур 42

42-күй •••• Сәргәрданниң дуаси •••• 1-айәттики изаһатни көрүң

И Пәрвәрдигар, мән тоғрилиқ һөкүм чиқарғайсән,

Дәвайимни әқидисиз бир хәлиқ алдида сориғайсән;

Мени һейлигәр һәм қәбиһ адәмдин қутулдурғайсән. 1

Чүнки Сән панаһгаһим болған Худадурсән;

Немишкә мени ташлавәткәнсән?

Немишкә дүшмәнниң зулумиға учрап,

Һемишә азап чекип жүрүватимән?» — дәймән. 2

Өз һәқиқитиң вә нуруңни әвәткин,

Улар мени йетәклигәй!

Мени муқәддәс теғиңға,

Маканиңға елип кәлгәй! 3

Шуниң билән мән Худаниң қурбангаһи алдиға барай,

Йәни мениң чәксиз хушлуғум болған Тәңриниң йениға барай;

Бәрһәқ, чилтар челип Сени мәдһийиләймән, и Худа, мениң Худайим!

И җеним, сән немишкә бундақ қайғурисән?

Немишкә ичимдә бундақ беарам болуп кетисән?

Худаға үмүт бағла!

Чүнки мән Уни йәнила мәдһийиләймән,

Йәни чирайимға саламәтлик, ниҗатлиқ ата қилғучи Худайимни мәдһийиләймән! 4 5

Source notes (5)

Footnote ◼ «Изаһат» — көп алимлар 42- һәм 43-күй әслидә бир күй еди, дәп қарайду.
Cross-reference ◘ Зәб. 34:11-17; 37:7; 41:11
Footnote ◼ «Маканиңға елип кәлгәй!» — ибраний тилида «Маканлириңға елип кәлгәй!».
Footnote ◼ «Чүнки мән Уни йәнила мәдһийиләймән, йәни чирайимға саламәтлик, ниҗатлиқ ата қилғучи Худайимни мәдһийиләймән!» — башқа бир хил тәрҗимиси: «Чүнки Униң җамалидин чиққан ниҗатлиқ билән, мән Уни йәнила улуқлаймән, мениң Худайим!».
Cross-reference ◘ Зәб. 41:6,12

Муқеддес Калам (кирил йезиқ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.