Муқеддес Калам (кирил йезиқ)

Зәбур 132

132-күй •••• Бирликниң бәхити

«Жуқириға чиқиш нахшиси»; Давут язған күй: —

Қара, мана, қериндашлар бирликтә туруш немидегән яхши, немидегән шериндур!

У Һарунниң бешиға төкүлүп, сақилидин аққан аву қиммәтлик майдәк,

У Һарунниң сақилидин еқип,

Кийим-кечәкниң яқисиға чүшкән қиммәтлик майға охшайду; 1

У йәнә Һәрмон теғидики шәбнәмниң Зион тағлириға чүшүшигә охшайду;

Чүнки шу йәрдә Пәрвәрдигар бәрикәтни —

Йәни мәңгүлүк һаятни буйруған! 2

Source notes (2)

Footnote ◼ «У Һарунниң бешиға төкүлүп, сақилидин аққан аву қиммәтлик майдәк, у Һарунниң сақилидин еқип, кийим-кечәкниң яқисиға чүшкән қиммәтлик майға охшайду» — һәзрити Һарунни баш каһин қилип тикләш үчүн, у алаһидә пурақлиқ мәхсус май билән «мәсиһ қилинған». Тәврат, «Мис.», 30:22-38-айәтләрни көрүң.
Footnote ◼ «У йәнә Һәрмон теғидики шәбнәмниң Зион тағлириға чүшүшигә охшайду....» — «Һәрмон теғи» Пәләстиндики әң егиз тағ болуп, әтрапида һәр күни чүшкән шәбнәм интайин мол болуп, һәммә җаниварни җанландуриду. У Зион тағлиридин 300 километр жирақ. Зион теғиға чүшидиған шәбнәм аздур; мол шәбнәм Зионға чүшсә, у зор вә әҗайип бәрикәт болатти, әлвәттә.

Муқеддес Калам (кирил йезиқ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.