Зәбур 128

128-күй •••• Узун давам қилған җапа-мушәққәтни әсләш

1«Жуқириға чиқиш нахшиси»

«Яшлиғимдин тартип улар көп қетим мени хар қилип кәлди» —

— Аһ, Исраил һазир буни десун —

2«Улар яшлиғимдин тартип көп қетим мени хар қилип кәлди,

Бирақ үстүмдин ғәлибә қилған әмәс.

3Қош һайдиғучилар дүмбәмдә һайдиған,

Чөнәклирини интайин узун тартқан».

4Пәрвәрдигар һәққанийдур;

У рәзилләрниң асарәтлирини сундурувәтти;

5Улар шәрмәндә болуп арқисиға яндурулсун,

Зиондин нәпрәтлинидиғанларниң һәммиси!

6Улар өгүздә үнүп чиққан чөптәк болғай;

Үзүлмәй турупла солишип кетидиған; 1

7От-чөп ориғучиға униңдин бир тутамму чиқмайду;

Бағ бағлиғучиға бир қучақму чиқмайду;

8Өтүп кетиватқанларму: «Пәрвәрдигарниң бәрикити үстүңларда болғай;

Пәрвәрдигарниң нами билән силәргә бәхит тиләймиз!» — дегән саламни һеч бәрмәйду. 2